註冊 登錄
theZtyle.com 返回首頁
LATEST BLOG

PEGGIE的個人博客 http://peggnie.theztyle.com [Bookmark] [Copy] [分享] [RSS]

博文

浣腸水療,為大腸做運動!

2010-5-10 01:47

個人分類:Beauty|系統分類:Beauty Center 瘦身/美容中心|品牌分類:詩琳

初初見到theZtyle的試用招募,還不太了解浣腸水療是怎樣一回事。
當時填form我還亳不客氣地這樣打剔︰


直到見到大佬B的介紹,才真真正正了解到這是甚麼一回事!
個時真係有D淆底,又係度諗得15個名額,我之前又遲左交文,都唔會有我份啦…
估唔到真係抽中左,唔通係因為我太有問題?唔知點解,我被指定去銅鑼灣的中心試做。
Confirm左個試用之後就上網做左少少research,等自己無咁驚。
其實個療程其實係點架呢?
就呢個問題,我上網搵到條片︰
http://www.youtube.com/watch?v=c1J0j4HE-_w

Book好左時間,深呼吸一下,就進行左我第一次的浣腸水療。
去到詩琳,首先就入左間房仔度填左少少資料同了解下個療程。

明顯地,我係剔剔下先記得要影相。我既問題又豈上呢三個呢…

對過程有左了解之後,浣腸師Elva就帶左我入房介紹下D設施。


首先就係一張生仔床,浣腸水療就係訓起上面進行。


經過5重過濾雙頭式逆滲RO/KDF濾水系統的純水就係由呢度接駁到水療床的幼管。



就係將呢支幼管親自放到肛門不超過2吋的位置。(Elva話你想放入D都唔得,因為係會頂住架!)
呢支幼管每次都係係你面前拆開,仲係用完即棄的。


純水帶出黎的排泄物就係經白色個個洞流走,


流到呢條透明管俾你睇。


同場仲有電視俾你解悶,同暖包俾你舒緩肚痛。

因為係第一次做的關係,一開始浣腸師只係俾左一支水等條腸適應下,
千奇百趣的事就係呢度發生喇!Elva問我feel唔feel到有水入,我完全feel唔到,
跟住佢睇一睇個樽,真係入唔到水喎…點降呢?
原來係我有太多氣係條腸度,搞到頂住左。
Elva幫我推左一陣肚,d氣就谷返入個樽度,足足有1/5個樽咁多…

終於都入到水喇,不過入左一樽水我條腸都無咩反應,
再入多樽,個肚終於都攪攪地喇…
Elva見我都識排返D水出黎就出左去拎左個暖包俾我,
再話我知排出黎一粒粒黑色個D就係大腸壁的污穢野,
然後叫我自己再試下。
隔左一陣,Elva再入黎睇睇情況,佢叫我試下忍一陣先再排,
咁樣可以令到再高一D的宿便掂到水而令到佢地容易D排出。
再努力多一陣,35分鐘左右的療程就完成喇!
不過仲未可以離開張床住,因為大腸入面仲有水係未排出黎,要排埋出黎先得。
坐多一陣,排埋D水出黎,再用個花洒沖乾淨個pat pat就可以離開水療房,
出返大廳食益生菌同寶礦力。

自問肥妹仔一名,Before and After就無喇,無謂要大家洗眼啦~
又唔知點解,CWB呢邊又好似無上磅呢個步驟(至少我無…),
我又唔知有無輕到。不過完左水療,一落床個一下我自己就覺得好舒服,
好似塞住個門口既野終於都清走左的感覺,仲好似輕左咁添。(個人感覺,無上磅作準)
返到屋企,媽媽話個肚腩細左,不過我又唔係好覺喎…

因為連續兩個做係會有最好的效果,我又唔敢等太耐,
於事乎,我隔左一日就再去過。
第二次一開始就已經係不停咁入水,自己努力一陣之後浣腸師就會入黎睇睇情況,
再幫你推肚,令大腸郁多D。最厲害既係,第二次比第一次排出更多癈物。
完左之後個種一身輕的感覺就無第一次咁勁。


兩次浣腸之後過左兩日,我都仲未有便便,不過每朝起身都有久違了的便意,亦都feel到條腸gelegulu。
雖然無野排到出黎,但我都會去馬桶坐一陣,培養下情緒,希望可以養成良好的排便習慣。

我相信有幾個問題好多人都想知,睇下我又解唔解答到你啦!
Q︰究竟放支管入肛門難唔難、痛唔痛呢?
A︰因為佢有花士苓係上面,所以都唔難入既。之但係我入個時就有少少痛,入左去就唔係幾感覺到條管係度。

Q︰條管會唔會排排下排埋出黎架?
A︰係唔會架!

Q︰過程又臭唔臭呢?(我媽媽最concern的事…)
A︰係一D都唔臭架!間房仲有香薰癖味添!

Q︰會唔會好攪肚、好辛苦架?
A︰呢樣就因人而異。我就有攪肚,由其是忍水個時最辛苦,不過排哂出黎之後就唔痛。佢地有暖包俾你舒緩一下,浣腸師仲會教你點樣按摩個肚令佢無咁痛的。

Q︰做完之後又會唔會hard sell架?
A︰人地打開門口做生意,Sell就當然會有啦。不過如果你唔想要,佢唔會死lur你唔俾你走。

Q︰咁洗腸又會唔會做成依賴呢?
A︰浣腸水療中心方面就話唔會,佢地認為浣腸水療等同幫助大腸進行運動,使 大腸機能回復正常。持續治療更可強化大腸功能。西醫就認為係無根據,而港大就做有做呢方面的研究。(LINK 1LINK 2)
我自己亦都擔心呢個問題,十二次水療為一個療程,頭兩次要連續兩日做,之後四次要一星期做兩次,然後個六次要每星期做一次。感覺上都好似做得好密咁…

我得個廿幾歲人,便秘問題就跟足我廿幾年(媽媽話我由牙牙仔已經唔係成日有便便),平均一星期得一兩次排便,須然情況唔算係嚴重,但係個種苦況就唔係人人明白,希望浣腸水療真係幫到我解決呢個問題。

如果想知道多D關於詩琳浣腸水療,可以上佢地公司網址︰
http://www.slimbeauty.com.hk/colonics


最後,多謝theZtyle同埋詩琳俾今次機會我去試用,如果唔係,我相信我呢一世都無膽去試。

我們都推薦這篇博文 (1個推薦)

19897

0

1

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:1

評級了:1

心動了:0

戰利品:1

Archiver|手機版|Privacy Statement|Terms Of Use|Contact Us

GMT+8, 2017-10-17 23:17

Powered by theztyle.com

© 2008-2014 The Ztyle.

TOP