註冊 登錄
theZtyle.com 返回首頁

yinyin^_^的個人博客 http://yinyin.theztyle.com [Bookmark] [Copy] [分享] [RSS]

Detox-7 解決了我減肥四個月以黎既難題!!!

獲得產品方法:免費(theZtyle試用活動) | 獲得日期:2009-12-17

0
0
1
分類:其他 > 瘦身食品 | 推出日期:未提供

2009-12-22 22:57 已有 2764 次閱讀

首先,要多謝theZtyle給我試飲Detox-7的機會^ ^

今次要請假先出到去拎呢。

 

係講今次既成效之前,

不如講下我既減肥史啦XD

根據我母親大人既講法,

我出世果陣係全醫院最瘦同最黑既。

但係呢。。當慢慢大既時候我既體重係以光速上升

咁即係話,,我只有出世果一刻先係瘦既!

而我又一路無減肥既想法,所以高峰去到67公斤!

我只係161CM咋! 

一點兒都唔高,但體重就重量級囉!

 

中間試過係無控制飲食+勁做運動既情況下瘦左一公斤既!

仲買左好多所謂既瘦身衣,不過唔WORK架囉

用左個幾月黎減,之後受唔住雪糕既引誘。。。。。完左哈哈

 

跟住中途又良心發現買左個健身單車,

但。。。得個擺字囉,良心會比較好嘛^__^

 

最後一次就係岩岩完左既暑假啦!

八月頭既時候我終於忍唔住啦!

望住個磅真係唔想做人!

都逃避左咁多年唔可以再避架啦!

終於的起心肝減肥囉^^

 

 

我開始上網搵左好多資料,知道以前既方法係唔岩既。

正確方法應該係,八字真言!!!

 

控制飲食,適量運動。

 

 

所以我就開始左清淡既飲食啦,

食野唔落鹽,唔落油,控制好每樣營養。

每日都要均衡飲食,

奶類,蛋白質,碳水化合物,脂肪,蔬菜,水果

每樣都要安守其分,不可多亦不可少。

水果代替零食,介哂所有飲品,盡可能唔係街食飯。

多吃高蛋白質和維他命B食物。

 

以下係我會多食既食物!因為佢地係負卡路里既!

所謂負卡路里即係該食物卡路里含量低於消化時所需要的能量。

 

蔬菜類:茄子、甜菜根、西蘭花、豆芽、椰菜、蘿蔔、

椰菜花、芹菜、糖白菜、綠豆、韭菜、生菜、冬菇和洋蔥等。

 


生果類:蘋果、杏仁、香蕉、櫻桃、紅莓、西柚、

葡萄、芭樂、奇異果、荔枝、芒果、木瓜、士多啤梨和橙等。

 


果仁類:巴西果、栗子、椰子、夏威夷果、花生、松果、核桃等。

 

 

而運動方面必須做帶氧運動!!!

咩係帶氧運動?即係有節奏、會令心跳率上升的大肌肉運動。

簡單啲黎講即係個心跳率一定要快過平時,

最好就係可以同人交談一句就唔夠氣。

 

 

SETUP啊黎啲只係修身架咋!!

 

仲有,以下黎幾樣十個重要!!!

 

1)一定要食早餐!!!!!!

食早餐可以提高每日既新陳代謝!!!

 

2)要飲足夠既水份,

咁先可以排走毒素同減低水腫。

 

3)唔好唔吸收碳水化合物!!!!

你想永久減肥定要暫時性你自己決定啦。

想要一世既請吸收碳水化合物!!!

 

好啦,終於入正題,講番今次既試飲先。

先黎睇下佢地既真身啦!好細枝架

 

要加11.5公升既水溝一枝,

要用凍水,我諗係因為進面有emzyme

Emzyme遇熱會denatured

即係好似死左咁,會無效架啦。

溝完後既樣:

 


味道有少少蘋果味,不過非常之淡。

每日當開水咁飲就得架啦

非常之方便,而且飲多啲水真係有助減肥架

 

 

飲左咁多日,立即既效果就係多左便便

要知道每人身體有成3~6KG既宿便

肥胖、便秘者體更有7~11KG既宿便

聽落真係好恐怖呢!

所以飲左之後個肚真係凹左好多!

排走哂啲便便啊嘛^^

 

 

跟住就黎睇下我所配合既飲食啦,

我平時大多數都係食黎啲野架。

 大家食肉時都可以有選擇架,

白肉一定好過紅肉架

 只食蛋白不食蛋黃,多吃菜啊仲有!





經過左我4個月既努力,我瘦左九公斤啦!!!

大家睇下我著上次前著既褲,

條腰瘦左成4吋啊!!所以話呢,

有恆心就咩都得架啦!

雖然仲有成7,8公斤要減,

不過見到成效真係好開心!



SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:2

評級了:2

心動了:0

戰利品:2

Archiver|手機版|Privacy Statement|Terms Of Use|Contact Us

GMT+8, 2020-10-26 17:47

Powered by theztyle.com

© 2008-2014 The Ztyle.

TOP