註冊 登錄
theZtyle.com 返回首頁
LATEST BLOG

荔枝與孖寶的個人博客 http://laichimama.theztyle.com [Bookmark] [Copy] [分享] [RSS]

博文

謝謝30+這年齡 讓我們都不再是青澀白紙

2018-3-10 22:42

個人分類:生活點滴|系統分類:Love|

自從當上孖媽之後,一直分享的都只係同親子、育兒有關的一切。已經再小之有小有關自己感受同心情分享。可能自己嘅年齡快要再去到另外一個階段,反思了一下亦對年齡似乎有了一些新嘅體驗。


人生就像一場馬拉松, 或許女性曾經都會好執著年齡嘅秘密而大家都忌諱年齡這話題, 大概係因為我們都被一些既定框框所規範住,包括擇偶、生育、體力皮膚變差、經濟能力等問題。大家口中嘅三十歲,似乎都好似充滿危機。過了那條線如果仲未搵到人生方向、仲未有對象、未打算結婚、甚至未打算生小孩,彷彿就好似極大問題似的。因為20 幾歲嘅時候,大家都會仲當你係青春少女,然而一旦過了 30 歲,就好像再沒有「青春」兩字可言,似乎女人如果被這個期限追著跑,甚至可能變成莫名嘅惶恐。


其實年過三十,只有令我學會更坦然地擁抱自己,變得更加喜歡自己。



當年嘅我,印象中好像有站在鏡前,淡淡地回想一下過去30年嘅人生,心懷感激地告訴鏡中嘅自己:「我變得更加喜歡妳。」,雖然當時仍未結婚,亦未生小孩。但我還是會盡力地過好每一天,做自己喜歡做嘅事、嘗試自己有興趣嘅不同領域。


無錯歲月的確係帶比我們一些痕跡,但同時歲月亦帶走了我嘅稚氣同青澀,反而給予我們成熟與經驗,介符係30 – 40中間路上嘅我,慢慢累積到自己嘅能量,大抵上已嘗試過很多自己喜歡與不喜歡嘅事,開始有能力談一段成熟而穩定嘅感情,對比起20 歲,擁有了更多可貴嘅人脈與資產,與更加闊人生。就算我已經再沒有世俗所定義嘅「青春」,我們女性還是要自信滿滿地跟自己說:「30歲 +,我變得更喜歡了。」


係呢個階段我嘅心境一直keep住沒有太大改變,當然最顯著嘅改變就係自己人生的順序現在已經完全upside down轉變了,現在凡事都以孖寶為先! 

但我亦深信只要你相信自己有能力做到一件事,無論你係30定60歲你都一定會做到。我認為擁有自己喜愛嘅事業同興趣,絕對係保持心境年輕嘅良藥。試想想,對事業有熱誠、有自己嘅興趣同夢想、不都是很吸引人嘅特質嗎?


30歲到50歲嘅我們,可以一起努力呀….


1. 平衡情緒,給自己陽光嘅心情

每天帶著陽光嘅心情,保持年輕同光彩,心態的確係好重要!

對我而言, 我喜歡面對小朋友,亦喜歡與人分享身邊一切美好嘅事物,所以我就成為了今天的我。當然喜歡大自然嘅我,適當地運用大地之母嘅恩賜,用精油這天然方法去提昇自己心靈,平衡情緒亦係好重要嘅渠道啦~



2. 我們都要以獨立嘅姿態綻放出自己

無論歲月如何變遷,都不要把錢視為生活萬能,更不要為錢係男人面前卑躬屈膝,女人永遠係最美風景,我們都一起以獨立的姿態綻放。

當自己有夢想就唔好再瞻前顧後,唔敢豁出去嘅話,做咩都未必會成功。

30歲嘅你可以成為一個有魅力嘅女性,而40歲嘅你更可以成為一個很有魅力嘅女性,因為我們都更了解真正嘅自己。


3. 持續學習,發展興趣

年齡沒有成為我持續學習嘅障礙,更沒有局限我嘅發展,相反這年齡嘅修行令更會把握每一次學習嘅機會。在近年考取成兒童遊戲治療師,修讀更多有關兒童心理學嘅課程,深入研究香薰治療嘅知識增進自己,考取成為嬰兒按摩及瑜伽指導師嘅資格,去幫助更多嘅人。

一路走來嘅人生如果說沒有失望同失落,是絕對沒有可能。但很感恩孖寶嘅出現,令我更會感謝同感恩一切。而進修更令我有很大的得著,可以把自己嘅興趣發展下去,持續學習,增值自己,保持年輕



4. 讓日子過得雅緻,保持不老嘅心

學會調節心情,有時我們都真的要關顧一下自己嘅心情,因為一個人嘅情緒同健康都係息息相關,所以保持愉快嘅心境,愛護自己其實係好重要,慶幸自己認識天然療法,精油係平衡情緒上確實是幫了我一個很大的忙。


現在嘅我可以算得上是不卑不亢、愛丈夫、愛孩子、愛自己吧!

我們活著,不就是為了帶給別人快樂,同時亦給自己滿滿的快樂。


30歲+嘅女人,修練到一個階段,她們把美麗煉成自信,把年齡化為寬容,把時間凝為溫柔,把經歷寫成書本。時間和經歷甚至可以成為30歲以上女人驕傲嘅資本,係輕描淡寫中微笑應對一切,那份溫柔與從容,沒有歷練係不會學到的。


30有+嘅我們,都由愛自己做起,一起做個平淡,快樂嘅雅致女人!

30有+嘅我們,正是一個極富魅力嘅年齡。而眼下,請大家都一起享受著自己最美麗嘅狀態。



當我想到再過一段日子,便會到40歲了,四十而不惑,我相信到了40歲,更會是直正屬於自己人生嘅一個開始,期待我還是可以以自信、快樂,堅定地去應對生活散發著屬於自己嘅魅力。

願歷練讓我們更成熟,破除年齡設限,找到自己合適嘅節奏,快樂、優雅地走下去。
敬女人!


我和孖寶的Facebook Page: 荔枝與孖寶 


論壇地址:forum.php?mod=viewthread&tid=868515

1478

0

0

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

膚質:中性

髮質:中性

專業指數:12

評級了:8

心動了:0

戰利品:8

Archiver|手機版|Privacy Statement|Terms Of Use|Contact Us

GMT+8, 2018-10-17 22:57

Powered by theztyle.com

© 2008-2014 The Ztyle.

TOP