呢個小小的後花園我地已經去過幾次~
因為真係超級方便!!
平時好多人會作為行山郊遊,
我地有時懶, 淨係來野餐咋~~~
呢度係大潭水塘郊野公園~!!
對於住港島東既朋友, 一定好熟,
因為直接有小巴, 由柴灣就去到大潭水塘道,
一落車就可以行入去欣賞水塘景色!!
起點: 大潭郊野公園南門
之後可一路直行,
水塘道又平又闊, 推BB車都得~
我都見到有不少小朋友帶埋scooter玩,
如果想帶, 記得提醒小朋友唔好踩太快, 小心行人喔!
大潭水塘已經有過百年歷史,
最出名係圓拱形的英式石橋, 仲有上窄下寬的石橋,
真係好靚好宏偉!!
大潭水塘的四座石橋連同其他水塘建築物都已經被列為法定古蹟喇!
可以介紹比小朋友聽~~ ((上網google定資料啦))
行一陣, 我地已經好快去左燒烤區,
因為燒烤區有晒檯櫈, 野餐一流~~~
帶個波、吹泡泡, 已經可以玩足一個鐘都唔悶!!
午餐是簡單的現成飯團, 及水果~
飯後記得收拾好, 最好把垃圾帶走喔!
再行到去大潭篤水塘石橋欣賞風景,
之後就沿路折返.
好輕鬆! 無難道!
最岩帶小朋友去行下~