註冊 登錄
theZtyle.com 返回首頁
LATEST BLOG

Savvy 娜姐日誌 http://savvyli.theztyle.com [Bookmark] [Copy] [分享] [RSS]

博文

溫和清除清潔口腔死角位 Oral-B水牙線AquaCare 6

2019-12-12 09:49

系統分類:Skincare & Teeth-care 面部及牙齒護理|品牌分類:Oral-B歐樂B


用牙線是個好習慣,每日使用可以將牙縫中的食物殘渣、牙石通通清潔,保持口腔健康,減少牙肉發炎和口臭機會,而我自己都有每日用牙線的習慣,不過我發現牙線雖然可以好快咁清理到食物碎,但亦好易令牙肉出血(即使不是太用力都會有流血情況,可能是本來牙肉就不是太健康的關係吧!)


宜家市面陸續推出不少「水牙線」的產品,顧名思義就是用水來代替傳統棉線型牙線,以往用牙線會令牙縫愈來愈闊,令食物會更容易卡住,使用不當又會傷到牙肉而流血,而水牙線只會用水來將殘餘沖走,不會磨擦牙肉,相對溫和好多。


目前大部分的水牙線機都是有線、水箱型,如果要在浴室使用,只能夠站在電源座旁使用,產品又大座不易攜帶,而專業牙齒護理品牌Oral-B有見及此,最近推出升級無線型水牙線AquaCare 6,讓大家可以輕便、隨時隨地都可以使用到水牙線,今次是我首次用水牙線,到底好唔好用,同埋有無用,現在就開箱為大家介紹一下:


▼ 左方的是Oral-B以前曾經出過的MD20水牙線機,同右方的全新AquaCare 6比較,就是沒有了水箱、無線充電,用起上來都方便好多!



▼ 打開包裝盒,會有主機、充電座、兩個可更換的OxyJet活氧螺旋型噴嘴、一張比較簡單易明說明書和中英文的產品指南。



▼ 水牙線機是個人的護理產品,像牙刷一樣,所以如果你和家人都會交換使用的話,最好一人一個個人用噴嘴,衛生啲好!


而因為口腔會點都會有細菌,所以每次用完最好都拆下清洗,每三個月更換一次。



▼ 水牙線機大小讓大家參考,感覺像拿著體積較大的電動牙刷。灰色部分是用來裝水,而水牙線機每次可以盛載150ml清水。




▼ 首次使用,先充一充電,放上充電座後開關按鈕會閃爍,每次充電建議充滿14小時。充電座採用國際電壓100-240V,佢係兩腳插頭,如果浴室本身只有英式插座的話就要加用一個轉換插。



▼ 充滿電後只須裝滿儀器背面的水箱就可以直接使用。



▼ AquaCare 6有三種強度,強、中、敏感牙齒用(弱)選擇,噴嘴亦可以因應使用情況調較直接噴射或旋轉噴射,變相其實有六種不同模式去清潔牙縫,用家亦可以自由選擇連續或按壓式噴射,在使用上彈性度相當大。


同其他牌子的水牙線比較,AquaCare 6獨特在其專利OxyJet高效活氧微分子氣泡噴射技術,將空氣加壓混合到水中形成活氧微分子氣泡(水中充滿百萬微分子氣泡),有效清除牙齦間的牙菌膜及食物殘渣,輕柔按摩牙齦,可加入漱口水達更好的清潔效果,藉由強力水柱噴出,深入齒縫、 齒齦及牙周間,清潔口腔死角位,如牙齦邊緣、大牙後側、舌側等。



用完水牙線的感覺就是覺得它非常方便,機身幾輕巧似用電動牙刷,比起以前用牙線感覺好唔用,例如:


  • 用牙線每次拉完幾條牙縫都要用清水洗走殘餘,用水牙線只須一次過沖洗,然後吐出便可。
  • 有啲暗位例如係後排智慧齒,果啲位用唔到牙線,而水牙線可以深入沖走污垢細菌。
  • 牙線會拉到出血,水牙線絕對不會出現這個情況,水柱射落牙肉度好似做緊按摩咁,唔會有疼的感覺。
  • 因為可以搭配漱口水使用,用完水牙線可以跳過漱口步驟。
  • 機身防水,


大家去牙醫診所洗牙,佢地用果啲噴頭都非常勁,咩都可以沖得走咁濟,當然啦,水牙線就無咁勁,一般食物菜碎、不是在牙縫卡得好實的話,基本上都可以沖走。




▼ 使用完畢記得要每次倒返啲水,儀器底部有個位用指甲輕按,就可以將水箱退出,而水箱使用的塑質物料是可以放入洗碗碟機清洗,最好定期清洗確保衛生。



最後了,大家都期待的問題 - Oral-B水牙線AquaCare 6值得入手嗎?


簡單評分讓大家參考一下 (滿分: ★★★★★):


易用度:★★★★★ (一按開關即可使用,得幾粒制係容易嘅)

沖水力道:★★★★ (可以再勁啲)

實沖清潔效果: ★★★★(食完牛扒,沖到大部分殘餘,但都仲有少少卡得好實,未能沖走)

整體評分:★★★★


用完Oral-B水牙線,我覺得係值得入手嘅,因為真係好方便同埋好容易就沖走牙縫污垢。如果有興趣購買全新Oral-B水牙線AquaCare 6,由即日起開始可以於萬寧、屈臣氏及各大超市購買。


#OralBHK #無線水牙線 #水牙線 #水牙線 推薦 #牙縫清潔 #按摩牙齦


----------------------------------------


免責聲明:

是次服務/產品/產品資料由 品牌 提供

本文章所發表的全部內容均屬個人意見及感受,並不代表該品牌之言論及立場。

如需協助或希望獲得更多有關產品資訊請直接聯絡該品牌查詢或/和尋求相關專業意見。

如從而引起任何損失或法律糾紛,本人概不負責。


論壇地址:forum.php?mod=viewthread&tid=887663

640

0

0

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

膚質:混合性

髮質:中性

專業指數:1134

評級了:55

心動了:0

戰利品:54

Archiver|手機版|Privacy Statement|Terms Of Use|Contact Us

GMT+8, 2020-4-2 04:23

Powered by theztyle.com

© 2008-2014 The Ztyle.

TOP