註冊 登錄
theZtyle.com 返回首頁
LATEST BLOG

minibubble的個人博客 http://minibubble.theztyle.com [Bookmark] [Copy] [分享] [RSS]

博文

[美食] 爸爸專享~ 皇家太平洋酒店 - 甜「蜜」父親節自助餐

2019-6-12 01:14

系統分類:Dining|

話咁快, 下星期就是父親節了. 爸爸平日經常被QB恰, 被我碎碎唸, 難得脾氣都係好好, 平時什麼節日和紀念日, 爸爸都係充當陪玩專員, 逗家人開心係佢既工作. 默默耕耘很少要求要慶祝和禮物...不過一年一度屬於父親的節日, 當然都要好好慶祝, 慰勞爸爸平日對家人的付出. 

食餐好一定係爸爸最想要的禮物! 今次提早慶祝父親節, 選了皇家太平洋酒店柏景餐廳的Dinner Buffet慶祝. 自助餐以日韓台美食為主題, 除了自助餐必食的海鮮, 即叫即切刺身和手握壽司, 串燒, 一系列冷盤和熱葷外, 超多款甜品供應外, 亦特意推出韓日台特式美食如人蔘雞湯, 即造新鮮海膽壽司, 珍珠奶茶奶凍, 芝士奶蓋茶等, 十分有特色! 

習慣在吃主食前先吃一小碟新鮮沙律打打底, 清清味蕾. 新鮮沙律菜伴上檸檬刁草煙三文魚, 加上柚子醋汁, 十分fresh! 
今次是以慶祝父親節為主, 當然少不了專為父親而設的菜式. 如果說玫瑰花代表母親, 那美酒一定跟爸爸最匹配. 父親節佳餚嚴選意大利Adi Apicoltura100%天然有機蜜糖及威士忌入饌, 順滑甘甜帶酒香回甘的菜式, 相信爸爸必定喜歡! 
「意大利風乾火腿配黑松露蜂蜜」
風乾火腿沾上有機野花蜂蜜,鹹中帶甜, 加上獨特微苦的火箭菜, 配以蜜瓜球, 每口都充滿鹹鮮甘甜, 份外滋味。
「香煎鴨肝配威士忌蜜糖燴野莓」
煎香鵝肝, 入口滑溜油香適中, 不膩口; 配以細膩蜂蜜香甜, 野莓的果香, 起了中和作用, 鹹中帶酸甜, 配搭新穎. 
「波士頓龍蝦焗芝士通粉
橙紅的龍蝦箝, 啖啖肉, 很鮮味. 配以香濃的焗芝士通粉, creamy細緻, 入口順滑, 混合原塊龍蝦肉, 相當矜貴, 芝士迷兩父女吃得相當滋味. 
不過最後兩隻龍箝都落在QB肚裡...這位小朋友果然十分識食...
「鐵板西冷和牛粒」
和牛是爸爸至愛, 西冷和牛粒牛味香濃, 頗有嚼勁, 肉嫩唔鞋, 配上乾炸蒜片, 更是香口惹味.
「蜜餞砂鍋鮑魚海參, 配紅燒威士忌汁」
十分矜貴的菜式, 鮑魚及海參經多個小時熬煮,軟腍入味,盡吸湯汁精華,鮮味十足. 以威士忌熬製鮑魚第一次試, 咬下除了有飽魚的鮮甜, 同時有淡淡回甘的酒香, 很有韻味. 比單以醬汁熬煮更獨特和令人難忘. 
其他必食推介仲有韓式泡菜芝士焗龍蝦, 芝士鋪滿面層,龍蝦開了邊可原條肉起出來, 啖啖肉, 夠彈牙鮮味之餘, 亦有很多橙紅色蝦羔, 相當惹味. 識食既QB自己吃了2-3隻. 
刺身也十分高質, 三文魚油脂豐膄稔軟, 魚味甘香; 另外還有吞拿魚, 臘魚, 醋青魚等都十分新鮮. 
最不能錯過是即造手握海膽壽司, 海膽相當Creamy, 有鹹鮮海水味, 吞下後回甘甚久, 十分新鮮. 配以中華沙律軍艦同吃, 紫菜仍保持薄脆, 口感相當豐富, 值得一試再試. 

喜歡吃海鮮的朋友, 不能錯過的除了冰鎮海鮮, 還有中式煮法的螺肉, 貴妃蚌都很有咬口, 爽脆鮮味. 而剪鵝肝糯米飯也香濃煙韌. 

食Buffet另一個最吸引我的一定是甜品環節. 晚市自助餐供應的甜品類別相當多, 琳琅滿目, 即使有選擇困難症也不是問題, 全部都試最好不過, 首要條件是不要吃過飽, 預留Quota最重要.
各式西餅甜點放在小碟中, 方便食客, 而最特別是有人蔘奶凍和珍珠奶茶凍.
還有小朋友至愛的朱古力噴泉, 糖果, 馬卡龍等.
這兩款軟心朱古力十分好吃, 尤其黑朱古力一款, 十分香濃帶甘苦, 黑朱古力迷必試. 

父親節限定甜品有把甜品與蜜糖威士忌完美結合, 以有機森林蜂蜜及有機野花蜂蜜炮製出酒香及蛋香兼備的「草莓蜜糖威士忌沙巴翁」酒香和甜品融會口腔中, 甜中帶微微酒醺, 不嗜甜的爸爸, 也會喜歡這一個.

其他甜品也很高質, 紅桑子蛋糕, 開心果mouess小切餅, 豆腐蛋糕, Cheese cake等也很出色,而且共通點是不會過甜, 大人小朋友都岩食.

最後最後, 少不了我心愛的雪糕, 這裡供應6款Movenpick雪糕, 特濃咖啡和檸檬青檸雪葩都是我心水之選. 另外, 有多款雪糕配枓可配搭. 

雪糕加上熱辣辣窩夫也相當美味, 這個吃法冷熱交融, 口感豐富, 令人十分滿足.
爸爸對這豐富的一餐十分滿意, 雖然有點老土, 但一家人在一起最重要嘛! 祝各位爸爸父親節快樂! 
凡於6月16日 (星期日) 惠顧自助晚餐,每檯可獲 APIVITA父親節清爽蜂膠禮盒乙份,向爸爸送上窩心驚喜。
甜「蜜」父親節自助餐: 
日期 : 2019年6月15及16日 
時間 : 自助午餐 (12pm - 2: 30pm)/ 自助晚餐 (6pm - 9:30pm) 
價錢 : 自助午餐: 成人$438, 長者$348,小童$298/ 
           自助晚餐: 成人$688, 長幣$598 小童$438 
**於最少1天前於網上訂座及繳付全費,可尊享自助午餐或晚餐高達 65 折優惠**

網上訂座: http://bit.ly/2I4jNu5

合作邀稿, 文章內容全屬真實分享及個人意見, 只供參考之用~


論壇地址:forum.php?mod=viewthread&tid=883282

1782

0

0

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

膚質:混合性

髮質:乾性

專業指數:1599

評級了:165

心動了:0

戰利品:160

Archiver|手機版|Privacy Statement|Terms Of Use|Contact Us

GMT+8, 2019-8-26 16:59

Powered by theztyle.com

© 2008-2014 The Ztyle.

TOP