博文
抵食到好過份仲包送貨~460蚊/2.7kg共4款濟州直送黑毛豬肉
|
真係抵食到好過份呀！仲包埋送貨！
~460蚊有2.7kg共四款濟州直送黑毛豬肉
我成日都覺得不論豬牛雞，比貴少少食靚肉一定值回票價，靚嘅肉唔洗點特別處理已經夠哂肉味仲充滿肉汁，而且油花仲好香；同時亦唔洗點醃，相對都食少咗好多加工調味料！
大家都知濟州特產嘅黑毛豬好出名，我哋食完真係返唔到轉頭！尤其是個豬腩，已經係我哋BBQ時嘅重點食材，一邊燒一邊聽到爆油花，然後再聞到香噴噴，灑啲岩鹽胡椒就掂哂喇，個皮香脆，油花勁香，肉質超juicy爽口，就咁食或以韓式食法包生菜辣醬都得，我亦試過鑊煎/氣炸，甚至泡菜炒/泡菜火鍋都非常正。
另外個豬鞍架又係唔講得笑！韓國人鍾意燒豬肉，好少成塊扒去煎，供應商就好細心要求濟州工場將豬脊位切成帶骨豬鞍來迎合香港人，同時好處係有效保存到肉質彈性及鎖住肉汁，加上濟州黑毛豬嘅靚肉質，就算厚身但一啲都唔韌唔鞋，反而係爽彈更有口感！溶雪後印乾身，放少少油慢火煎兩面，最後再灑鹽就已經非常滋味喇！ 每包黑毛豬鞍有兩大塊，加啲雜菜薯蓉伴碟，已夠一家三口開大餐！
而家「韓國人氣直送專門店」呢個 #夠哂重量 嘅套餐 格過價真係好鬼抵！ 四百幾蚊，有齊濟州黑毛豬鞍、豬腩、原條豬柳同豬梅頭，夠哂大家留喺屋企燒、煎、炒、炆、蒸、焗、炸...打邊爐乜都得！
2338
0
0
