註冊 登錄
theZtyle.com 返回首頁
LATEST BLOG

Yoki 活樂日記 http://yokiho.theztyle.com [Bookmark] [Copy] [分享] [RSS] 分享生活點滴, 獨樂樂不如眾樂樂

博文

感情世界

2014-6-2 17:35

個人分類:談情說愛|系統分類:Love|

有一個老新常談嘅問題, 應該會存在响每一個人心裡面, 而呢個問題, 應該每個人心裡面嘅答案都唔一樣。
就係"如果可以俾你選擇, 你會選擇同一個你愛佢多過佢愛你嘅人, 定係選擇一個佢愛你多過你愛佢嘅人" 結婚呢?
首先你好愛佢嘅人係年青才俊, 高大威猛, 月入十萬, 樣樣都好喇...正中高,富,帥, 無敵男神化身...差不多係 0 缺點,
係...差不多, 唯一缺點係..."花心", 佢個心唔淨止你一個, 裡面仲住咗amy, mary, betty, lulu, mei mei....
即係...佢有$100响手, 分別每個女人都俾5蚊, 比較愛d嘅女人就俾廿蚊...如此類推, 
佢每個月搵十萬, 但係花响你身上嘅只係吃喝玩樂嘅錢, 而且一個月都唔知有幾多日會有時間去陪你,
每次推你嘅爛藉口都知係一個"工作好忙,冇時間"。當你响佢身邊嘅時候電話係較震機,
打電話話佢知你病鬼咗, 都仲未叫佢陪你去睇e生或買藥之際, 佢已經答你..."我又唔係e生, 話俾我知做乜呀?"
快d自己去睇e生啦! 我唔得閒呀! 自己好好照顧自己喇! 就掛線了...等等啦!
呢d衰男人嘅惡行, 真係講一日一夜都講唔哂啊!! hehe...
所以...Yoki用最簡單嘅方法講得白D, 就算你真係好愛佢, 你可以舉一百個理由去愛佢,
但係有一個理由就可以將所有愛佢嘅野推翻, 就係"佢唔愛你" 你只係佢$100裡面派俾你o個5蚊其中一個咋!
無論呢個男人有幾完美幾無暇都好, 佢唔愛你...呢個男人有P用麼? 愛...係從心, 等愛係等唔到番嚟架!
女人嘅黃金期有限, 要馬兒好, 又要馬兒不吃草, 當然冇可能吧! 世上沒有完美嘅情人架!
set咁多條條框框俾自己...要有錢有樓有車有學識又要靚仔...都要有一個先天條件, 就係要專一。 
可惜...往往現實係殘酷架! 有哂以上嘅條件, 或者冇好條件嘅! 缺少專一嘅男人...真係大把呀! 
點解我咁清楚? 唉!! 女人嘛!! 一世流流長...總會遇過d賤人嘅! 讓我變成長, 先至真正懂得"珍惜"
上天好公平, 有衰嘅必定會俾你遇到個好架! 好似我咁...最終修成正果喇! 

要我揀(係...我已揀咗喇!hehe) 我揀後者, 佢愛我多過我愛佢, 女人先至會幸福架!
呢個男人假設月入$20,000, 但係佢願意將$10,000俾你做零用錢, $4,000供樓, $3,000俾亞媽做家用, 
$2,000自己做生活費, 最後o個$1,000就係留嚟買禮物送俾你, 而且所有時間都係屬於你,
無時無刻為你設想, 你病咗仲緊張過自己病, 令願病o個個係佢自己, 寵你寵到無法無天, 
吵咀嘅時候無論係邊個唔啱都好, 佢都會先同你講..."對唔住呀! 唔好嬲啦!" 之後會逗你歡喜。
唔會捨得超過一日唔搵你, 冇可能一日唔跟你聯繫, hehe...試問呢個男人, 你仲會放過咩?!

最後總結, 姊妹們, 切勿窮一生嘅力氣去愛一個唔愛你嘅男人, 放生人地等餘放生自己,
一個男人愛你的話, 佢唔會捨得你流一滴眼淚, 令願寵你寵到好似小女孩一樣, 每日逗你開心,
你永遠都唔需要學習堅強, 你呢個他會好Man咁同你講一句"唔使怕, 有我在, 我會保護你的"
Yo Ho!! 恭喜你...你中獎了, 頭獎"好老公一個", 仲諗...好男人就係所淨無幾喇! 我已經帶咗一件鎖响夾萬喇!
姊妹們, 咪左揀又揀喇! 因住...尾班車過咗! 要行路呀! 好好善待自己...搵個真正懂得愛你嘅人, 快d帶佢番屋企啦~!
呢個人先至會陪著你走, 慢慢地走過人生每一個將來架! 加油...



論壇地址:forum.php?mod=viewthread&tid=314155

7184

0

0

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

膚質:敏感性

髮質:脆弱斷髮

專業指數:0

評級了:0

心動了:0

戰利品:0

Archiver|手機版|Privacy Statement|Terms Of Use|Contact Us

GMT+8, 2021-1-28 19:52

Powered by theztyle.com

© 2008-2014 The Ztyle.

TOP