註冊 登錄
theZtyle.com 返回首頁
LATEST BLOG

迪迪LAND http://hylam.theztyle.com [Bookmark] [Copy] [分享] [RSS] contact me :dididilam@yahoo.com

博文

去歐洲食得好,住得舒服玩得輕鬆,經濟實惠之郵輪遊記(內有郵輪旅遊心得) ... ... ... ...

2014-1-6 01:39 | 標籤:歐洲, 經濟, 實惠, 郵輪, 遊記

系統分類:Travel|

去歐洲食得好,住得舒服玩得輕鬆,經濟實惠之郵輪遊記(內有郵輪旅遊心得)

 
迪子和蝦子餅近年十分喜歡郵輪旅遊,一般後生仔聽到,會"下"一聲,郵輪好悶呀!你老人家先岩玩呀!成日係只船上面,唔賭錢有咩好玩!我早幾年前真係曾經咁諗!但近年香港郵輪碼頭開幕,郵輪旅遊已開始成為一種熱潮。但我發現呢方面既資料不多!迪子我真心希望多D人重新認識呢種旅遊方式!希望大家可以多一個新選擇!

 

我講既郵輪,不是賭船,我希望大家先分清楚這點。郵輪假期基本上天天都會到不同的PORT上岸遊玩,在指定既時間返會
船,之後就會在船上過夜,再到下一個PORT度玩
 
 
 
我早幾年前去完埃及,在河船渡過左四天之後,竟然深深愛上這種旅遊方式!不用執行李,又不用坐長途巴士,一早起身就下船去玩,玩到傍晚上船,全日供應豐富美食又有大把節目,舒舒服服第二日又到下一個境景點再玩!買完D野PET晒上船!而且所花的費用很實惠!近呢幾年,放年假都會去一次。

 

過去幾次郵輪旅行,都係去歐洲和地中海為主,好多人聽到歐洲地中海,一定聯想到"貴"字!但我話你知如果你用郵輪呢個方式去的話,所花費用跟你去一轉日本差不多,但十分舒適
 
當然郵輪有好多種CLASS,公主郵輪,P&O,以及Celebrity Cruises果D級數,堅豪華無得講啦!但我以下介紹既都係一D親民D既大眾化D既,例如COSTA,MSC和Royal Caribbean幾千蚊就埋到單既!
 
好多人去歐洲為省錢,去到只係食凍冰冰既面包和PIZZA,住MIXED HOSTEL(男女同宿的),這是一種年輕的浪漫,我都經歷過,但今時今日,唔好啦卦!去玩要食好一點,住好一點!
 
我過去幾次都係飛去當地玩幾日先,之後自行到港口上船。出發前,你會收到上船既資料,行李帶等等東西,過去我都係幫襯勝景遊買船票既,船票即係包括港口費和船上基本費用包括住宿和食物(至於小費和機票都係唔包既)上岸如果你PASSPORT不用另簽VISA,基本上是不用另加費用的!
上一次以我去威尼斯上船,坐COSTA的FANSINOSA 8日7夜為例,$3700船票 $5500機票 $1100船上消費,基本上一萬蚊左右你已經可以到歐洲玩足8日7夜!去既地方包括希臘既SANTONINI,
 

 

 

RHODA

 

同OLYMPIA,

 

意大利威尼斯

 

 

南部BALI

 

 

克羅地亞既DUBROVNIK
 

當然去得歐洲都想SHOPPING下,咁果D就無得計啦。。。
 
以我地上次係威尼斯上船為例,我地飛到去威尼斯,去到機場自行坐巴士(6EUROS)再坐PEOPLE MOVER(1EURO)去到港口

十分方便,怕煩而有錢既朋友其實可以幫襯船公司既PICK UP服務,(35EUROS一人),一野車到你去到海口,

 
其實做多D資料搜集,真係可以為你省多好多錢呀!
去到海口,先搵地方寄行李,記得拎番你個行李TAG出來,貼好係你既行李上面,到時就會有專人把行李送到你門口啦!
 

去到PORT,CHECK IN先!成只船幾千人同時CHECK IN你預左要等LOL,好彩既半個鐘,唔好彩既要成2個鐘先上到船!之後就會為你整一張門咭!無論你開門,BOARDING,同埋船上所有消費都係用佢,而且當你上左船後,佢地會幫你KEEP著PASSPORT直到你落船為止(有一D國家要親身入境除外)呢張野,就係証明你既身份既証明!務必跟身和小心收好!咭上有寫明你住既房間号碼,緊急集合地點,晚餐地點和桌号和緊急電話等
 

 

上到船,基本上係唔會有人會好詳細講你知邊度有咩食,有咩玩,但佢地天天都會有一份日報和明天港口資料送到你房間,上面清楚介紹今日有咩玩,有咩食,DRESS CODE同埋TODAY SPECIAL。。。你可以看過資料後再決定參唔參加佢地明天搞既LOCAL TOUR

 

 

房間種類有好多種,最平既係內倉房,基本野都有,係細DD LOL(呢間係COSTA Fansinosa)
 

 

貴小小有只窗,叫海景房,大小小咁啦(Royal Caribbean voyager of the sea)

 

再高級d,就係露台房啦!上次msc做減價,免費upgrade左做露台房,真係堅正!

 

一上到船,都會有火警演集,大家都好認真要從自己房間拎件救生衣到指定地點集合,係人都要做,唔去既就會比d職員煩到你去為止。。。

 

首先SHOW一D相比大家看看船上既食物和環境
上用餐你可以在指定既時間到餐廳用饎,
 

 

食既野你可以係MENU度自己選擇,

 

ORDER幾多個MAIN COURSE,幾多個頭葐都不用付款,即係你如果想食幾個甜品,你只要落單時講聲就得,食幾多都得!款式天天都唔同,食到最尾個日都唔會重複!我建議大家係上船既第一日就買定一些飲品套票,因為一次過買會比較便宜一些,而且在外國食飯,人人都會叫飲品的,如果你唔叫就會比較怪啦,D WAITER就會不停問你飲咩(其實叫野飲係TIPS既一種)要經濟一點,叫支水SHARE飲,平均都係1.5 euro左右一支,起碼唔會再比人煩呀!
 

 

至於DRESS CODE,就要小心留意啦!外國人食飯同香港人好唔同,佢地出街食飯都會認真去DRESS UP自己一番,就萛當日餐廳既DRESS CODE係CASUAL,都最好唔好著條短褲入去啦!

如果遇上FORMAL NIGHT,男士更加要著西裝外套先入得去呀!(咁煩呀!)都NEVERMIND既,怕煩既都可以去泳池自助餐廳食BUFFET,果度就著咩都得啦!
(唔係妝文,勿插)

 

 

 

 

 

 

早餐都幾十種野你擇,去歐洲食個mc記都要8euros啦。。。你話坐船遊歐洲係味好幸福

至於玩,要睇下你果只船既設施但泳池,劇院和酒吧都係必備的!除左你order飲料,做spa又或者參加一d course之外,所有設備都係免費的,如要另外收費既,都會清楚列明,而且會問你拎房咭付款!如有問題,你可以在房間內的smart tv度check數,十分清楚!

劇院晚晚都會有不同既show看,夠鐘入去坐低就有得睇啦!有雜技啦,跳舞,magic show。。。好精彩

 

 

郵輪內部其中一part,成個mall咁。。。(voyager of the sea)

喜歡運動既有gym同跑步徑

水上樂園咁。。。(costa)

在deck上的免費舞蹈班,氣氛好好

 

有小朋友既都不用担心,船上有好多節目比小朋友,你仲可以幫小朋友參加各種學習班,佢開心之餘大人都可以自己relax下,仲有baby sit服務tim!我眼見小朋友都玩得好開心呀!

 

船上面好多pub同埋舞池,識跳舞既就可以大演身手啦!

 

bingo都係好hit既活動,10euros一張!我同桌既朋友仔win左500euros呀!

 

好啦,又等我講下落port既事項先!

一般來講上岸係唔洗錢既,但有可能由port到旅遊點會有一段距離需要suttle bus或者boat,咁你就要依照"日報"上既指示去買票和拎籌落船啦!因為成幾千人同時會下船,遲左取籌分分鐘相差成粒鐘先落到船,無既,你味少左粒鐘玩咁0者!

拿。。。呢張就係車票同籌啦,41号就係身幾log落船,到時食完早餐,舒舒服服聽住人地叫咪,一叫到你個log,就可以下船啦,好有系統的!張車票要keep好,因為回程就係靠佢同埋房咭返去啦

 

 

往santonini既接駁船上。。。

 

至於船上面既觀光活動,其實都幾貴下,你可以依自己既需要去參加又或者自己做定功課自由行

我之前參加過一個去突尼斯的。。。個導遊雖然係講英文既,但佢講果D人物咩咩打咩咩,我真係唔明。。。好悶LOL仲要唔比時間我影相。。。之後我地都無再跟船上面既團啦

 

其實都仲有選擇。。。一般港口一埋岸都會有人"撩"你JOIN當地既LOCAL TOUR,一般都比船上平而且咩都有,唔會錯失觀光點!又或者你自己租的士周圍看看,想玩得又平又安心!一切都要你出發之前做好功課呀!

講住咁多先。。。如果好反應既,我就會再寫多D遊記啦!

多謝收看
其他平台
http://hylam.theztyle.com
http://blog.she.com/hylam
http://blog.qooza.hk/hylam1
http://www.beautyexchange.com.hk/portal.php?mod=list&uid=112069
http://www.fnb.hk/blog/229767
http://www.ubeauty.com.hk/member_blog/didilam/
http://weshare.hk/hylam
http://blogs.elle.com.hk/hylam
http://www./?91572
contact me :dididilam@yahoo.com
請多多支持


論壇地址:forum.php?mod=viewthread&tid=296534

我們都推薦這篇博文 (33個推薦)

11769

20

33

SocialTwist Tell-a-Friend

發表評論 評論 (20 個評論)

回覆 Yuki Hui 2014-1-6 11:28
好正好靚好想去呀~
回覆 manmanchu 2014-1-6 11:57
睇完我又想試下添..
回覆 MR. MOON 月兒 2014-1-6 21:14
有點心思思...
回覆 Szesi 2014-1-7 01:40
woo 好正呀 !! 唔怪得知最近唔見你啦, 原來去左嘆世界
回覆 迪迪 Didi 2014-1-8 05:09
Yuki Hui: 好正好靚好想去呀~
去啦去啦,我同老公去完上左癮呀
回覆 迪迪 Didi 2014-1-8 05:09
manmanchu: 睇完我又想試下添..
幾好呀!我真心想多D人認識
回覆 迪迪 Didi 2014-1-8 05:10
MR. MOON 月兒: 有點心思思...
你有細路仔仲岩呀!好多時小朋友免費,同埋好多小朋友既活動,佢開心你又可以RELAX下
回覆 迪迪 Didi 2014-1-8 05:11
Sze]]: woo 好正呀 !! 唔怪得知最近唔見你啦, 原來去左嘆世界
唉...其實係去年既事啦,我岩岩去完THAI JA
回覆 Joyce Ho 2014-1-8 16:49
cool~好想去呢~
回覆 Amuse 2014-1-8 20:17
WAAA 好吸引呀...想去歐洲>~<
回覆 Szesi 2014-1-8 23:13
迪迪 Didi: 唉...其實係去年既事啦,我岩岩去完THAI JA
  
去泰國買左咩好野?
回覆 迪迪 Didi 2014-1-9 13:59
Amuse: WAAA 好吸引呀...想去歐洲>~<
去啦去啦!!!
回覆 迪迪 Didi 2014-1-9 14:00
Sze]]:   
去泰國買左咩好野?
HEHE...野就唔係買左好多,不過好開心呀!遲下SHARE下
回覆 WinWin* 2014-1-9 15:13
好正呀!!! 渡假真係咁先好!!!
回覆 KAN夫人 2014-1-9 16:43
我都好想去希臘玩玩呢~~
回覆 韓國美眉美容誌 2014-1-11 23:57
wah~oh my god....so nice ar...wanna to go right now...
回覆 小喵凱蒂 2014-1-12 00:05
的確好正~因為我都有諗過去廸士尼個隻 >w<

但如果係歐洲既,
我都係會比多少少錢去主打玩一個CITY >w<
上年去左4日倫敦可以慢慢行慢慢睇嘢勁開心!!
回覆 迪迪 Didi 2014-1-12 04:36
小喵凱蒂: 的確好正~因為我都有諗過去廸士尼個隻 >w<

但如果係歐洲既,
我都係會比多少少錢去主打玩一個CITY >w<
上年去左4日倫敦可以慢慢行慢慢睇嘢勁開心!! ...
我都鐘意STAY耐少少,上次我STAY左係五漁村3日,同埋另外用左1星期玩意大利BIG4,
迪士尼果只正呀!不過貴野呀
回覆 迪迪 Didi 2014-1-12 04:38
KAN夫人: 我都好想去希臘玩玩呢~~
呢個方法去比較平,不過比較走馬看花,但食好住好又唔洗坐車,都抵啦
回覆 Yo Mid 2014-2-5 12:33
very nice 遊記~ ging details  

facelist

您需要登錄後才可以評論 登錄 | 註冊
Private Message
驗證碼 換一個

膚質:乾性

髮質:油性

專業指數:280

評級了:80

心動了:3

戰利品:78

Archiver|手機版|Privacy Statement|Terms Of Use|Contact Us

GMT+8, 2018-8-17 08:25

Powered by theztyle.com

© 2008-2014 The Ztyle.

TOP