註冊 登錄
theZtyle.com 返回首頁
LATEST BLOG

Akira Chan's beauty blog http://www.theztyle.com/?56126 [Bookmark] [Copy] [分享] [RSS] 美容化妝已經不再是女性的專利, 男士亦有能力及權力去塑造完美的自己! 接下來的日子, 我會毫無保留地向大家分享自己嘗過的美容產品(不論潔面, 爽 ...

博文

[極力推介]Proactiv Solution!!!!

2012-5-23 23:56

個人分類:美容護膚 (Beauty & Skincare)|系統分類:Beauty|品牌分類:Proactiv

真係抵打...個幾月無發Post....無計, 呢個月實在係太多野忙啦!!
ANYWAY, 趁有時間即刻同大家分享好野先!
 
 
唔知大家呢排有冇聽過Proactiv呢個系列呢??!
我自己都係聽番黎,之前個排無啦啦爆好多粒粒,之後見到呢個brand係網上口碑又幾好,又有好多案例,最後決定一試!!
其實Proactiv簡單既三步曲,由專業皮膚科醫生研製,能擊退暗瘡,預防粉刺形成,更可當作日常護理產品使用。
分別係潔面,爽膚及乳液!而通常買一Set都會送埋Refining Mask!
 
售價: $5XX/ Set (建議大家可以係網上既小店購入,一般都會比係Watsons買平!)
購買途徑: 網上/ 格仔鋪/ Watsons...(大家得閒可以留意下, 有時Watsons會做DISCOUNT架!)
 
去相! (由左數係3步曲,右1係送既Refining Mask, 而右2係後來自己買既綠茶保濕!)

其實用之前都係抱住試下既心態,後來用左大約兩個月左右就開始發現面油少左,暗粒少左,最後真係少左好多粒粒

宜加逐一再講!

Step 1 - 洗面 - 獨特配方不含油份,含微細結晶粒子,可溫和地去除死皮細胞和污垢

呢枝洗面入面其實有好細既粒子,又唔可以當佢係磨砂,因為真係可以日日用!

不過開頭用建議1日用1次先,因為真係會有d干架!之後慣左就可以加密次數!

另外,如果粒粒唔係嚴重既話更加可以兩日用1次!(我宜加都係)

用法:早晚使用或按醫生指示使用(如屬敏感性皮膚,開始時每日只使用一次)。洗手後取少量潔面乳於掌心,塗於濕潤的臉上,輕輕按摩一至兩分鐘,再以溫水清洗,然後印乾。

 

Step 2 - 爽膚 - 質感清爽,不含酒精,能均衡膚色,去除死皮,煥發活力明亮肌膚經特別調配的活膚爽膚水能平衡肌膚酸鹼度,含金縷梅能收細和淨化毛囊,而蘆薈和洋甘菊則紓緩肌膚和軟化角質,並加入尿囊素促進健康組織生長。有效吸走多餘油脂,避免皮膚繃緊變乾,展現膚色均勻的柔滑肌膚。

呢枝Toner我覺得真係好好用,好用到我要另外特登買1枝!

首先,用落唔會覺得刺激,而且佢既氣味我會覺得好自然,吸收亦都好快,保濕效果都好滿意!

用法:洗面後用棉花球或化妝棉塗上活膚爽膚水,可早晚使用。待爽膚水乾透後塗上 Proactiv 修護乳霜。日間外出前,請使用防曬產品。

 

Step 3 - 乳液 - 質感輕盈,不含油份,其超微細過氧化苯酰可治療及防止暗瘡爆發。乳液採用嶄新導入技術,安全可靠,可用於整個臉部。

呢隻Lotion開頭用可能會有d干,慣左之後就會覺得佢好好用,如果覺得有d地方就出粒粒,晚上用完第2朝已經無事。

呢枝野又係好用到我要另外買多枝

用法:每晚使用。洗面後以乾淨的手塗於臉上。使用後如無出現紅腫或過敏,可早晚使用。(如屬敏感性皮膚,開始時每日只使用一次。)

 

Refining Mask - 質感豐盈的深層清潔面膜蘊含硫磺成份,經證實能深入毛囊底層,有效擊退暗瘡。冰涼的高嶺土能紓緩皮膚,吸走多餘油脂,重拾健康膚色,回復柔滑。

講真,我認為呢個Mask真係好睇你皮膚接唔接受到佢既硫磺成份,我就發現每次用完都會干到紅,用左幾次之後都無再用啦!

但係網上有d用家就話勁好用,所以真係好因人而異!

用法:潔面後敷臉約 10 分鐘,然後以溫水清洗。每星期使用 1 至 3 次,或按照醫生指示使用。

 

綠茶保濕乳 - 給暗瘡性肌膚最佳的呵護。質感輕盈的保濕精華能被皮膚迅速吸收,為乾燥疲倦肌膚源源注入水份,令肌膚煥發健康光采。可單獨使用或於妝前使用。若配合三部曲系列,應在 Proactiv 修護乳液後使用。

呢枝我係用落Step1-3之後覺得可以試試先買,點知用完真係喜出望外!首先,完全係好清爽既感覺,唔洗擔心太潤既問題。

另外,吸收得好快,用左之後真係會覺得好水潤。(未用完已經買左第2枝看門口

用法:每日使用或按需要使用,可於塗上 Proactiv 修護乳液後使用。

 

官方指出有人使用3星期便開始見效,但一般會在6至8星期內看到明顯改善。若每日使用產品兩次,大部份顧客會在3至6個月內,發覺暗瘡完全消失。

另外,要提提大家枝洗面同枝Lotion當中有過氧化苯酰成份(微量),如果日頭用完出街記得要搽番防曬呀!

我認為有粒粒問題既Members絕對可以試試呢個系列!真係驚唔岩自己用既可以係網上購買輕裝版黎試,試岩先再買。

另外,其實用到無咩粒粒既時候,係可以唔洗用得咁密~

我宜加係Step 1兩日1次, Step 2每日, Step 3 每晚, 綠茶保濕每日

仲有一開始用真係唔好心急用得咁密,特別係枝洗面同埋Lotion,因為皮膚可能未咁快適應到架!

當然,如果問題真係好嚴重既最好都係睇醫生/用番專門既藥物啦。

粒粒真係好多人既煩惱,夏日油睹分泌特別旺盛,較容易出粒粒。而我一直都不斷嘗試緊唔同既產品去對付粒粒,等我搵次同大家分享下其他專門對抗粒粒既產品啦!

總括評分:(最高5)
功能
★ ★ ★ ★
質感
★ ★ ★ ★
保濕度
★ ★ ★ ★
價錢
★ ★ ★
包裝
★ ★

論壇地址:forum.php?mod=viewthread&tid=215690

我們都推薦這篇博文 (4個推薦)

4343

0

4

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:1

評級了:1

心動了:0

戰利品:1

Archiver|手機版|Privacy Statement|Terms Of Use|Contact Us

GMT+8, 2014-10-25 12:12

Powered by theztyle.com

© 2008-2014 The Ztyle.

TOP