註冊 登錄
theZtyle.com 返回首頁
LATEST BLOG

野蠻妹 ♥ 私家竇 http://manman811.theztyle.com [Bookmark] [Copy] [分享] [RSS] Halo~我是小魔怪同時亦是Angel ♥ 喜歡你會喜歡我這個小女生,歡迎到以下地方找找我~

博文

【2017❤旅遊】 夏之遊✈️大阪 ♬吃蟹的專門店。蟹道樂★。 ...

2018-2-26 14:21 | 標籤:大阪, 心齋橋, 日本大阪2017, 夏之遊, 親子遊

個人分類:*~小魔怪最 ♥.周遊列國~*|系統分類:Travel|

今次旅行,先生唯一要求就係想番食上次去大阪
冇食到既食品,我就安排左同佢食燒肉啦
咁另外就係佢要求一路都好想試既吃蟹啦

其實係大阪都有幾間係可以任食蟹既,
不過係上網睇又係食得90mins
同時又去到某d 時間就唔會再有
重點拆蟹其實真係好曬時間,
要知道我地又帶住個個陣先得14個月大既小朋友
燒肉已經好挑戰,仲要挑戰食蟹?
所以情願貴少少都係揀番呢間比較出名既
蟹道樂-本店

食蟹道樂,一係就要係旅程前預約定
一係就好似小妹咁Walk In 去食啦
當日好似我地當日就好似大約未夠12點去到

就去拎左籌先,佢就叫我預番時間番黎入座
真心覺得咁樣幾好,又唔洗成班人係度等等等
又怕一陣間走左去叫左No 又唔知係唔係要重頭排過
所以最後我地都係心齋橋兜左個轉就番去等啦
因為我老闆話唔想行咁遠(反白眼Ing...)

咁係呢間餐廳最少都要每人點一個餐
除非你外賣d 蟹腳啦,蟹腳就好似係500-1000Yen一盒
不過我先生就話一場黎到又點可能唔食好d 先

所以我地就點左一客係2500Yen 
一客就係4200 Yen 既蟹Set 啦
呢一餐真係最貴既午餐呀!!

真心要講既係,係日本真係對於有小朋友既家庭
係非常之貼心,唔洗我地出聲問,
知道有小朋友就已經一上到去已經準備好
小朋友既餐具啦,仲有Baby Sit
我先生好想好想買一個帶番屋企用,
但係呢個Baby Sit 係一定要擺係一張好實既枱


咁點完菜,好快就上菜啦
首先就有呢個水煮蟹腳配醋
係我地兩個餐都有既,所以就有兩客
凍食既,但係啖啖肉真係好好味
同係香港食既長腳蟹有得揮
然後呢個係我點既2500Yen 內包既蟹肉燒賣
係有兩客既,不過味道就比較一般
始於點心都係香港整既比較優勝多D 
同埋佢個表皮太厚,不過擺碟係靚既


然後就再介紹既我地兩個餐都有既
蟹肉蒸水蛋
同埋4200 Yen 先有既蟹肉刺身


呢個水蛋當然同我地自己屋企整既唔同啦
但係的確蟹肉好夠,同埋d 蛋好滑
當時先生好想比多d 小Gogo 食架
但係我又諗住佢當時太細都係比佢淺嘗下好啦
不過d 清湯就好似有少少咸左些少
所以如果好似當時Go咁細就唔好食咁多啦

相對呢個蟹刺身,我自己鐘意第一道菜式多一些
呢個刺身唔係好唔好食,亦唔係唔夠鮮
而係我真係麻麻地個蟹刺身個質感
不過老公就覺得好好食又好夠新鮮啦


介紹埋係2500Yen 套餐包既食物先啦,
分別就有呢個炸蟹肉餅
味道就真係一般般啦,又唔係好好食
但係起碼真係唔會食到成口都係油

應該係最後就係蟹肉壽司啦,
認真既咁D 蟹肉就一定冇個個蟹腳咁豐富啦
不過如果叫到頂飽肚感都OK 既
同時我既2500Yen 餐仲有一陣講埋既清湯就完成啦

呢個清湯,其實就係味噌湯
都係味道分別不大,但係個碗係好靚既
完全覺得呢餐飯,食服務食擺設

再介紹就係4200Yen 內包既蟹肉釜飯
呢個飯就有d似韓式石鍋飯
不過就唔會痴底咁啦
主角就係一隻蟹腳,燒烤過的蠻好吃


最後就係Gogo 最愛亦係比媽咪食曬既
蟹肉醬配蟹肉通心粉
首先佢利用左白汁去焗,加上有蟹肉
真係又香又好味,不過真係份量係少左一點點囉


最後仲有一個真人即製既抹茶雪糕
真係完全係食服務既一餐午餐
呢個午餐差唔多食左大約兩小時
老公食得真係好開心,
雖然真心貴,但係的確貴得黎服務不錯的

如果你也跟我先生一樣想來吃蟹
記得要來吃午餐唷,抵很多的!!!
是次餐牌應該是夏季限定
大家去吃的是時候要留意唷!!

是日餐廳分享:蟹道樂-本店

【2017❤旅遊】 夏之遊✈️大阪 2017
松乃屋豬扒定食店(Day 1)
夏之遊✈️大阪 ♬ 京都巴士一天團 Day3



就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕

謝謝唷!

Contact me:manman811@gmail.com




論壇地址:forum.php?mod=viewthread&tid=867985

我們都推薦這篇博文 (1個推薦)

1577

0

1

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個