註冊 登錄
theZtyle.com 返回首頁
LATEST BLOG

丁丁糖 CandyHo的個人博客 http://tingtingcandy.theztyle.com [Bookmark] [Copy] [分享] [RSS]

博文

小小化妝師追夢記(二)之 難忘遇上好老師 篇

2015-2-5 23:04

個人分類:學化妝之路|系統分類:其他|



上回講到我報左第一個化妝課程, 但無咩野學到! 一次尷尬到爆既練妝經驗燃起左我一團火 (火滾個火.....)
回顧鏈結:小小化妝師追夢記(一)之第一次學化妝失敗篇


係個間學校唯一最大既得著就係我認識左同學R, 大家係鄰里坐隔離當然好傾D~ 我諗呢D就係緣份喇! 佢係而家同我夾租workshop既partner呀~   我同R交換左contact, 大家都覺得呢間學校真係廢廢地, 索性齊齊再報過新既化妝課程!!


唔知點解一開始其實識左R無耐, 我已經好信任佢, 由於佢年紀大我少少, 覺得佢好似大姐姐咁, 所以當佢向我推薦新學校時我基本上都無咩主意, 覺得只要大家一齊去上堂就OK啦~ 哈哈! 好好彩! R點左條明路俾我!! 我學完呢個課程之後, 終於有能力獨自完成一個全妝!! YEAH~~



話說呢間學校雖然唔係D咩名牌學府, 但就勝在有口碑兼有heart! 幾乎絕大部分學生學完都係正評 (自己覺得學校名氣基本上唔係幾影響第日條路, 講真我出泥做左新娘化妝咁耐, 從來無客問我拎證書睇! 有時會有一兩個客好奇問我係邊到學化妝, 我都好自信咁講呢間學校既名! 但如果你係想做Media雜誌明星等工作我就唔清楚喇~ 反正個老師有無心去教你先係最緊要!!) 呢個課程除返開堂數其實唔算貴, 但對於我呢個窮人泥講突然又要自己嘔一大筆錢出來都係有血有汗架!!!   (總之當時就係時間無哂, 積蓄bye bye啦~) 所以我發誓每一堂我都要落足精神去聆聽、過濾、消化、整理所學到既野, 先對得起自己呀!


好彩, 第一堂印象好好, Miss性格好隨和仲幾好傾, 令我夠膽問野。6個人既小班教學模式, 雖然得Miss一個睇住無助教幫手, 但正所謂一個頂十個, at least Miss唔會消失左搵佢唔到, 有咩問題講出泥就一定會幫你! 同埋有得學痴雙眼皮假睫毛, 唔會教D唔教D咁啦~


一氣連續上哂好幾堂技巧班之後, 就要搵model自己實習化個全妝喇~ 初初連拎起支掃都手震, 夾眼睫毛又驚夾到model, 又驚會化到全場最核突, 真係堂堂化真人都好緊張! 但我又真係非常投入成個過程, 每每落堂都覺得時間過得好快! 有時化到個好睇少少既妝 (其實係出術搵左個靚model...... ), 心入面有無限大既成功感, 但個晚就會發惡夢夢見自己唔會再化得咁好! 我唔知點解會有咁大壓力! 我諗呢D就係所謂既熱誠吧? 試諗下, 如果你唔care個樣野, 其實end up個結果係點可能都感覺不大..... 一堂一堂既實習堂慢慢過去, 我既妝化多一個, 我既熱愛度就多一分! 但同時又對自己好鬼無信心!


學完化妝, 大家同學都一齊報埋初階髮型班, 之後先至考試! 學既髮型都係我當時鍾意既style, 自然簡單又classic既長青款, 最重要係同老師建立左份信賴, 覺得佢會教得唔錯! 講到髮型, 真係估唔到原來咁鬼屎難!!! 由細到大我都識幫自己擯下辮, 俾身邊人讚叻, 我都以為髮型應該唔會太難掛!? 點知...... 我真係好天真好傻...... 我到而家都仍然覺得髮型係比化妝難!! (加上都有客人曾經表示:妝就覺得個個化得差唔多, 但髮型一睇就睇到邊個做得好! 我好認同!) 又要認識分區、學打底、學技巧、又要識襯頭飾...... 課堂做到7成似樣, 雄心壯志返到屋企練頭, 但就5成都做唔返! 做極都唔會做得靚! 加上又有D頭鍾意有D頭唔鍾意, 好自然自己就會練死鍾意既某幾個頭! 可以話我係做錯了...... 而家諗返, 我究竟當時係為應用實習而練頭, 定係為應付考試而練頭呢? 有學緊新娘髮型既學生好好諗諗呢個問題!
 

面對臨尾即將要進行既兩個考試, 我真係壓力爆煲, 但最後當然都可以順利完成啦~ (所以我都好認同當時老師講個句:緊張關頭自然會發揮到小宇宙! 果然無錯!) 老師講完分數俾我聽時我都O哂咀, 有無咁高呀!? 實係老師鬆手啦!! 免得傷害我脆弱既心靈!!




當時大考既花絮! model就輕鬆自拍, 我就急到拿手唔成世!


老師幫我地用大機影既合照! 好有紀念價值!!! model係我best frd泥架~~ 諗返如果當初無身邊朋友大力支持, 都無今日既我呀~~ my dearest friends, 真係十萬分感激!!!



泥張驚嚇對比相!! 話說我都算係一個幸運兒, 一路學化妝時都一路keep住寫blog分享, 所以好多model俾我練妝, 加上我學完之後無幾耐已經有客人搵我試妝(唔係介紹架, 真係客人見到我個blog自己搵我架~ 我當時簡直開心到彈起!!! ) 左邊就係當時試既褂頭髮型, 右邊當然係一年半後既作品啦~ 我諗你地都好想知究竟當時個客見到呢個褂頭有無confirm join我!? 答案係:有!!! 你話我仲唔係超級幸運兒!!?? 事後我知道係自己幸運, 所以都唔敢怠慢, 努力練習令客人big day當日靚靚!! 客人都好滿意架~~
(想知點解會有咁大既轉變就要繼續追我post喇~)



而家我整既褂頭, 唔敢講人人鍾意, 但勝在我客人欣賞, 仲識得自己去變通設計新髮型~



至於妝方面, 唯有用我呢張做個比較, 左面係練妝時既作品, 右面真係佢當日Big day既造型!!! 都係事隔年半左右~ 進步自己都睇到既, 不過我個人對自己要求非常高, 絕對唔係輕易自滿既人...... 沒有最好, 只有更好!!


下篇將會講我係點樣入行架喇~~ 人地話藝高人膽大, 但我就藝低都夠哂膽大!!
究竟我做左D乜? 大家千其唔好錯過呀!!

以下係我既Facebook Page, 有我既化妝作品, 大家有興趣都可以昅下~
www.facebook.com/CandyHoDreamyMakeup


論壇地址:forum.php?mod=viewthread&tid=650509

我們都推薦這篇博文 (6個推薦)

2153

1

6

SocialTwist Tell-a-Friend

發表評論 評論 (1 個評論)

beautyisqueen 2015-10-8 12:40
是悄悄話...

facelist

您需要登錄後才可以評論 登錄 | 註冊
Private Message
驗證碼 換一個

膚質:混合性

髮質:乾性

專業指數:9

評級了:6

心動了:0

戰利品:6

Archiver|手機版|Privacy Statement|Terms Of Use|Contact Us

GMT+8, 2018-12-14 08:47

Powered by theztyle.com

© 2008-2014 The Ztyle.

TOP