博文

cheap爆美容院!!服務差!!hard sell!!小心小心!!

2011-8-21 14:30

個人分類:Beauty|系統分類:Beauty|

話說自己不嬲都冇乜做facial, 但上個月皮膚乾左好多, 仲有d砂紙feel, 所以上網睇下有冇d美容院試做下. 因為我都係好細個, 都算岩岩出黎做野, 就book左間平平地係旺角既樓上美容院試下, $88基本保濕護理.

咁個日放左工就去左li間旺角美容院, 都搵左一陣, 點知上到去間野都未有人... 咁等左5分鐘, 個美容師黎到開門, 我入到去有d呆左, 間野好細好up dup, 仲好亂, 有d報紙係地下, d電線又哩度一條個度一條, 咁都算la, 上到黎唔通走咩, 唯有安慰下自己, 應該技術會幾好既幾好既. 點知連個袋都冇位擺要放地下, 個美容師就係li個時候開始一輪咀: 你做88蚊個個冇用嫁wor, 我地而家返左部新機, 做咩咩孢子療程(我連個名都未聽過, 唔記得左個名), 你皮膚超岩做, 因為我見你皮膚都幾薄幾乾, 你做li個treatment d孢子會係你皮膚底層爆開, 釋放d營養成份, 做完成塊面唔用哂, 而家試做價298蚊姐嘛'' ''m...我諗保濕護理都已經ok'' ''下, 你唔試下真係side哂, 唔係人人岩做, 你個皮膚勁適合, 做完真係唔同, 你88蚊個個只係好基本, 冇乜效果'' ''我都係想做返基本保濕'' ''哦, 你係咪岩岩出黎做野冇乜錢呀'' ''唔... (我心諗關你咩事, 但唔想再浪費時間)'' 咁樣攪攪下, 上左黎20分鐘先開始得...

上左床, 佢就幫我用卸妝水卸妝, 但佢好求其咁抹兩抹, 我平時係屋企淨係卸d眼線mascara都要2,3分中, 佢就咁求其抹兩抹就攪掂, 我忍唔住話我眼妝係防水, 佢就哦一聲, 每邊眼敷衍咁抹多下, 我已經勁無奈... 之後洗面奶, 蒸面都蒸左10分鐘, 佢又唔知係後面做咩私人野, 之後就係個好大既樽度擠左d勁杰既透明gel係我塊面, ''我而家同你做個超聲波導入呀, 導左哂d精華入去你皮膚底層, 同你平時就咁係屋企用手搽好唔同'' 就用舊鐡係咁係我塊面度碌, 碌幾下又bump幾下所謂既''精華素''落我塊面, ''嘩, 你都幾多黑頭下wor, 嗱, 下次我同你慢慢清, 你keep住個個星期黎, 會好好多'' 大約碌左5分中就開左d粉面膜, 敷左落我塊面, 又就咁等左20分鐘. 剝左面膜就用同我講: 得嫁la. 我想講面霜都冇同我搽返, 前後個faical 40分鐘, 有一半時間都係等, 佢真正做野既時間都冇乜... 之後, 佢就係咁叫我join package, 我話我想考慮下先, 佢竟然話: 下? 考慮? 點解要考慮? 我話想再上網睇下其他, 佢話冇其他嫁la wor, 我個刻淨係想走, 佢見到冇機會就態度勁差攤開手講: 咁你比返個88蚊.我比完即走.

落到樓下, 我即刻去廁所照下塊鏡, 我發現眼線仲有一半係度, mascara完全冇卸過. 塊面同上去之前既情況都係一樣咁乾. 我個刻真係想鬧爆個人囉!! 有冇sis同我一樣有試過咁既情況!?!?