註冊 登錄
theZtyle.com 返回首頁
LATEST BLOG

Marilyna 電郵: [email protected]的個人博客 http://marilyna.theztyle.com [Bookmark] [Copy] [分享] [RSS]

博文

SK-II攪到我生雀斑!!(必睇雷品)

2011-8-10 23:43

個人分類:Beauty|系統分類:Beauty|

(必睇雷品)SK-II Mask!攪到我塊面起斑!! ()

 

 一直都係forum久仰 SK-II大名, 好多sis都話好好用, 支神仙水真係好似萬能咁, 一用皮膚即刻勁令, 好似雞蛋咁. 所以一直都好想有機會試下, 見佢li排日日電視, 報紙, 雜誌日日轟炸人, 自己都心郁郁想試.

上次行街經過SK-II,  就入左去睇下野, 一入即刻比BA SELL, 話佢地公司專利成份PITERA係好神奇, 羅哂獎, 好多明星都用緊, 可以幫你皮膚改善所有問題, 你 皮膚有問題就幫你根治, 冇問題就令你皮膚更令, 所以佢地支神仙水係一定要試, 我問佢我皮膚好易敏感同紅, 係嗚唔用得, 佢話你敏感皮膚就更加岩用, 因為可以幫你強化返皮膚. 面支神仙水要係爽膚水之後用, 而且一定要用綿花上, 抹左塊面之後再用黎fu面豬燈做去斑. 我聽到li度已經上左腦, 勁想試, 但見到250ml差 唔多成千銀一支, 就卻步左, 之後個BAsell我用個facial treatment mask, li個面膜一片已經有10倍既Pitera, 而且如果買會送多d sample比我. 500蚊都唔洗就好la, 咁我就買左一盒

HK $480 / 6pcs

到前兩日我終於用左一盒6片既第一塊面塊.

 我想講, 我一開始係對佢勁有信心, 一世人都未幾可試過80蚊一塊面膜, 一定係好野!

, 我錯了, 打開個包裝, 摸到一塊好硬好厚既面膜紙, 真係用硬黎形容, 質感又鞋鞋地, 好似d 尼龍纖維料咁.

 

都 唔緊要, 敷左上面, 塊野硬得滯又厚, 所以貼唔緊塊面, d邊係咁飛起, 個鼻附近就係咁拱起左, 用力禁平佢都好快拱返起(圖中白色既地方), 之 後我都已經唔想再理佢, 由得佢飛下飛下咁. 袋入面既精華素其實都剩返幾多下, 當然唔好浪費, 即刻係敷緊面膜既期間用哂剩低既精華查哂手手腳 腳, 但我發現左一個問題, 就係佢個精華勁杰既gel, 就算我不繼按摩, 佢都仲係有層野係度, 仲要推推下變左白色痴住哂隻手腳, 就好似你平時沖 完涼d沖涼液洗唔乾淨變左白色咁, 勁嘔心同唔舒服... 即刻入toilet沖走佢...

 

之 後又過左10分鐘(即前後十幾廿分鐘度), 我除左個mask落黎, 仲有勁多gel係面上面, 明顯係吸收唔到, 我心諗, 大佬大佬, 80幾蚊唔好 浪費, 我已經連皮膚有冇改善到都冇留意, 淨係想佢快d吸收. 我今次唔用推, 驚好似岩岩手腳咁又變哂痴luplup既白色, 懶醒咁用輕輕拍打既方 式幫助吸收, 果然! 拍左1分鐘好似真係乾左7,8, 個心先舒服返d.

 

過 左半個鐘, 我再照下鏡, 講真, 塊面同之前未敷差唔多, 冇乜改變, 效果仲衰過平野美麗日記, 咁我摸下塊面la, 唔知點解仲係有層痴 luplup既野, 一摔塊面, 勁多擦子膠碎... 我當堂爆左句粗, 有冇攪錯, 咁貴既面膜, 都會出現擦子膠碎咁既情況, 即刻d野冇吸收過 la!  我再上網睇d sisli隻面膜既評價, 原來好多sis都同我一樣, 比人昆左, 勁多擦子膠粒跌返哂出黎.

最悲哀既事情係: 我第二日返工太趕急, 連防曬都冇查就標左出街, 點知一放工返到屋企照鏡就發現一邊面頰有兩粒斑, 我嚇到即刻個心沈左一沈, 我本身一定一定冇LI兩粒斑, 一定冇! 我上網睇D comments話sk2個pitera會整到你皮膚好薄, 有d似果酸, 所以用sk2既人皮膚已經冇哂自我保護能力, 一照陽光就好易出斑... 但我只係用左一塊面膜就咁快出事, 可能我本身皮膚已經薄同白, 所以一次已經奶左野..因為LI件事, 我唔開心左成日, 雖然唔係好明顯, 但都要諗下斑LI樣野一出黎就好難整走, 我仲要得18歲咋T^T 所以我以後真係唔會再買li個牌子d野, 呃左我d錢之後又羅哂比d廣告商賺!!! 我對sk2完全好失望, 希望各位SIS買SK2之前都諗清楚D先, 唔好再有人好似我咁!

我們都推薦這篇博文 (25個推薦)

6920

97

25

SocialTwist Tell-a-Friend

發表評論 評論 (97 個評論)

AMAN 2011-8-11 00:02
是悄悄話...
Marilyna 電郵: [email protected] 2011-8-11 10:47
是悄悄話...
回覆 Bel Bel 2011-8-11 11:17
SKII 真係好蝦人用架, 佢的確係會令皮膚變薄, 我搽神仙水時都 feel 到皮膚興興起, 用完我就發誓呢世都唔會再用 SKII d 野了!
回覆 milkoilbread 2011-8-11 11:19
其實呢..斑斑唔係晒一次就會出既
所以未必100%關SKII事
回覆 Amanda 2011-8-11 11:24
貴野唔一定好呢
但SK2通常都係比成熟肌用,你18歲用似乎不太適合~
用返美麗日記、森田藥妝個d平價面膜就ok ga la~
回覆 sherry 2011-8-11 11:25
啊? 咁快就會出斑?
我都拿咗神仙水試用装,而家有D驚TIM~
回覆 Marilyna 電郵: [email protected] 2011-8-11 11:26
Bel Bel: SKII 真係好蝦人用架, 佢的確係會令皮膚變薄, 我搽神仙水時都 feel 到皮膚興興起, 用完我就發誓呢世都唔會再用 SKII d 野了!
好唔開心囉, 我覺得係佢令我皮膚變薄左, 所以攪到我唔記得查防曬就即出斑
回覆 Marilyna 電郵: [email protected] 2011-8-11 11:27
milkoilbread: 其實呢..斑斑唔係晒一次就會出既
所以未必100%關SKII事
我都知唔係一次就會, 我本身底層色素都有d, 但真係用完第2日即刻現左出黎...
回覆 櫻花 2011-8-11 11:28
其實你18歲真係唔洗用呢d 牌子,用返平價既mask 就可以
回覆 Marilyna 電郵: [email protected] 2011-8-11 11:28
Amanda: 貴野唔一定好呢
但SK2通常都係比成熟肌用,你18歲用似乎不太適合~
用返美麗日記、森田藥妝個d平價面膜就ok ga la~
講真, 真係仲廢過美麗日記、森田藥妝! 失敗!
回覆 Marilyna 電郵: [email protected] 2011-8-11 11:28
sherry: 啊? 咁快就會出斑?
我都拿咗神仙水試用装,而家有D驚TIM~
我覺得真係唔好長期用, 我聽人講用左就停唔到
回覆 lokxlok 2011-8-11 11:29
斑唔係一曬就有, 係慢慢累積出黎
所以未必關sk-ii事
回覆 爪爪 2011-8-11 11:30
聽聞SKII d 野咁勁...係因為化學野多........
回覆 小babi 2011-8-11 11:30
我都轉用SK2,SO FAR我又覺得唔錯WOR=_=
唔通係我年紀問題>口<"
回覆 Marilyna 電郵: [email protected] 2011-8-11 11:31
櫻花: 其實你18歲真係唔洗用呢d 牌子,用返平價既mask 就可以
我以後唔敢la, 其實因為我做化妝品公司, 所以成日都要試唔同brand既野, 估唔到竟然就咁玩完..
回覆 Marilyna 電郵: [email protected] 2011-8-11 11:32
lokxlok: 斑唔係一曬就有, 係慢慢累積出黎
所以未必關sk-ii事
但係係用左塊mask第2日唔記得查防曬就浮現左出黎!
回覆 Marilyna 電郵: [email protected] 2011-8-11 11:32
爪爪: 聽聞SKII d 野咁勁...係因為化學野多........
唔出奇呀, d錢都去哂賣廣告...
回覆 kleelee 2011-8-11 11:32
18 歲用 SK 2 又好似早左 D 喎 , 而且用一次咁快就會皮膚薄 ?
同意 lokxlok & milkoilbread ==>> 斑唔係一曬就有, 係慢慢累積出黎
回覆 Marilyna 電郵: [email protected] 2011-8-11 11:32
小babi: 我都轉用SK2,SO FAR我又覺得唔錯WOR=_=
唔通係我年紀問題>口<"
你都好細個姐, 我都唔肯定呀, 可能個個皮膚唔同
回覆 Marilyna 電郵: [email protected] 2011-8-11 11:35
kleelee: 18 歲用 SK 2 又好似早左 D 喎 , 而且用一次咁快就會皮膚薄 ?
同意 lokxlok & milkoilbread ==>> 斑唔係一曬就有, 係慢慢累積出黎
我都唔知呀, 總之心情好忐忑, 冇lala多左兩粒斑, 仲要d同事都問...

facelist

您需要登錄後才可以評論 登錄 | 註冊
Private Message
驗證碼 換一個

專業指數:3

評級了:3

心動了:0

戰利品:3

Archiver|手機版|Privacy Statement|Terms Of Use|Contact Us

GMT+8, 2020-2-17 08:37

Powered by theztyle.com

© 2008-2014 The Ztyle.

TOP