註冊 登錄
theZtyle.com 返回首頁
LATEST BLOG

貧窮的敗家...的個人博客 http://heliga.theztyle.com [Bookmark] [Copy] [分享] [RSS]

博文

Cyber Color 9 號大眼影掃

2009-8-26 10:42 | 標籤:

個人分類:最緊要shopping|

天啊,我又唔覺意發現 d 跳樓貨呀!真係連我都頂自己唔順呀!

今日同朋友一齊坐車返屋企嘛,咁落車後,朋友問我買咩 mascara,咁我地咪去卓悅走一轉囉,之後我地就分手了。跟住,想想隔離係 sasa 特賣場,反正都好少去個邊嘛,咪入去巡下囉!俾我見到呢支 cyber color 眼影掃啊!

我記得 cyber color 都唔係平的嘛,望望價錢!頂!$8 咋!!!

所以我都唔執輸買 2 支,呢支係 9 號大眼影掃,個掃頭大 d 架。之後,我要過返對面馬路至返到屋企嘛,橫掂都係,咪又行去 sasa 望下呢支掃正價賣幾多錢囉!噢噢噢!原來呢支野仲有得賣,仲要係賣 $98 呀!我望左好耐,真係 $98 喎!但係胭脂掃又好似賣 $98 喎,碎粉就賣 $13x 囉,依家買呢支 $8 ,真係平到想喊啊!

最衰佢只係賣呢 1 隻掃,無其他掃啦,如果有其他掃就發達囉!

不過我想,cyber color 未必個個鍾意,因為佢本身支掃係短形的 pocket size,如果喜歡用長柄的就未必岩心水囉!

還有,又俾我見到,特賣場有我上次買的 KAI 雙眼皮膠水,呢度賣 $50 啊!我上次買的時候係 $100 / 8 件嘛,真係好想喊啊!因為我恨我買得少嘛!

 

上面個 d 係我前晚 24 號寫的,事情有新展進,事緣我參加左 the ztyle 的試用活動,於是乎,拖到 last day 即尋晚的起心肝走左去旺角一趟拎試用產品啦。坐巴士途經彌敦道嘛,去到油麻地,我見到有 sasa 特賣場喎!咁我咪諗住拎完野後,去個間特賣場望下睇下仲有無筍野執囉,其實我想睇下 cyber color 有無賣其他型號的掃架。

去到... 俾我搵到佢喇!我拎起手逐支揀... 噢!噢!噢撈~  (唔好意思,請原諒我喊驚咁,因當時對我打擊真係好大!)

天啊~ 我唔明點解,我一直以買到抵野而自豪,但原來,真係低處未見低!我見到呢間野賣 $5 啊!前晚我買 $8 仲以為好跳樓,今次竟然...

於是,為左溝番淡 D,我買左咁多...

TOTAL 11 支!

其實我唔係唔想買晒佢,見到 $5 真係想掃跌晒佢地落個購物籃樹,但唔知係咪膠袋問題定點,我見到有 D 毛唔係咁齊,我指個頂頂,所以我逐支 QC 過,揀左最好的買起晒佢地!

講真,我對呢個價錢真係覺得好懷疑架,所以,走個陣反正巴士站外有間 sasa,我咪又再走一去囉,睇真 d 係咪真係賣 $98 囉,我睇完又走開,之後又再睇,真係 $98 喎!無花無假架!唔知點解會咁呢,但支支個樣都好靚仔,唔似係 dam 貨喎。

原本我知自己買 $8 買貴左個陣,個心好 na 架,但朋友話好彩 $8 個陣我只係買左 2 支,我依家發覺,原來孤寒都有孤寒0既好處架!

我們都推薦這篇博文 (1個推薦)

5205

0

1

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:0

評級了:0

心動了:0

戰利品:0

Archiver|手機版|Privacy Statement|Terms Of Use|Contact Us

GMT+8, 2020-7-11 16:55

Powered by theztyle.com

© 2008-2014 The Ztyle.

TOP