註冊 登錄
theZtyle.com 返回首頁
LATEST BLOG

kihan的個人博客 http://kihan85613.theztyle.com [Bookmark] [Copy] [分享] [RSS]

博文

為了洗掉五百蚊, 我打左子宮頸癌疫苗^^ (第一針)

2010-8-4 14:44

個人分類:Beauty|系統分類:Body care & Fitness 身體護理|

早前夜晚睇某一集的"女人最痛", 佢入面有一句對白我特別深刻同認同

"女人個子宮唔係用來生仔, 就係用來生瘤....................=,="

 

小時候的我對自己身體了解程度算是只顧表面, 不理內在.

 

但是人大了, 越發覺身體內在比表面更需要花心思和難照顧.............現在的我更發現原來子宮不只是一件生育器官, 她的重要程度比其他身體器官一樣重, 同時間她可算是女性最易生病的器官之一, 頭號女性殺手的源頭就是!!!!!!!!!!!!!!!!!

 

近年多了女性關注婦女疾病, 而且打子宮頸癌疫苗的女性都越來越多了, 我早在今年年頭時已經打算打, 但因為怕痛關係................................遲遲未有下決心去打第一針!!

 

直到最近有同事提起澳門政府上年派給每位澳門永久居民的mop500醫療卷, 使用期限是今年的8月尾, 而且好像有少部份的診所開始不收了.............@@

我突然驚覺自己果五百蚊完全未掂過!!!!!!! 雖然是唔洗比錢睇醫生的五百蚊, 但都不要浪費!!!! 我身邊的朋友同事大部分都已經用了, 有的去睇牙, 有的去睇眼, 有的去睇中醫........總之澳門絕大部份的醫療診所都可以使用啦~~~

 

       (10張mop50醫療卷, 澳門各大貼有"醫療卷"標籤的診所都可以使用)


五百蚊我可以睇邊類型醫生!??????? 曾經諗過睇下皮膚, 有一間醫學美容診所都可以用唷~~~用五百蚊去打返個激光都不錯!?? 可是打一次好浪費啊!!! 算吧.....

或者去做一個基本身體檢查, 五百蚊剛好!!??? 不過好似又唔係咁好.....算吧

考慮睇婦科, 剛剛好5百左右...................

再諗諗, 還是用它補貼我的子宮頸癌疫苗最實在!!!!!

 

時候迫切的我經朋友介紹下預約了一間有提供子宮頸癌疫苗注射的醫療診所, 事前我問了身邊一些朋友打時會不會很痛, 答案分別是: "好痛!!!" , "唔係好痛!!!"

OH! 意見咁分歧=,=......................... 即係白問

 

當天預約中午一點, 可是我太害怕了, 十分想縮沙囉!! 在好友陪行說服安撫之下, 雖然遲到但還是去了............................

入到診所確認後, 護士姐姐叫我填上個人資料, 之後等左一陣就帶我入房見醫生 (我的好友要求跟埋入房 8卦一下@@)

醫生是一位中年健碩的男性, 我一坐低他就問我最近有沒有注射過其他疫苗, 平常有沒有服食藥物 (我說食維他命算不算??? 醫生冇應我........), 有沒有食物/藥物敏感, 最近有沒有生病之類的例行性問題, 我的答案是: 沒有, 沒有, 沒有.....................

之後他拎出兩份分別是現時市面上提供子宮頸癌疫苗注射的小冊子, 因為知道我對它們的全名都搞不清, 醫生說通常會以2隻牌子的代言人: 阿sa 和 余安安作代名 (我打電話預約時都係同護士姐姐講話要打余安安果隻架~)

 

以下是我同醫生的對話 (當然以下對話總有一些甩漏, 原諒我不是聽字不忘的人啦=,=):

 

醫生: 首先打之前我例行都要講解一下, 阿sa果隻係第一代, 而余安安果隻係第二代, 效力當然比阿sa代言的第一代強, 不過我諗你都應該有睇過新聞, 都知道呢2隻曾經出過事, 有死過人啦~~只不過係阿sa果隻出事人數多d, 余安安果隻冇咁多...... 

我: 我知, 我有上網做過research.....

醫生: 雖然佢地2隻都出過事, 但出事的原因都係睇返個人體質, 通常比較過感體質的人會易d有問題, 而且出事的大部份都係歐美女性, 因為本身歐美人體質比我地亞洲人更敏感, 好似對好多食物有敏感的人體質都係比較差, 如果打呢類疫苗就要比較注意同小心.........(佢講左好多好多關於敏感體質ge事, 一輪嘴~~~我聽得晒但記唔切囉=,=)

 

我呆左一呆, 諗左一陣就問左一個白痴問題:  咁如果我有皮膚敏感算唔算丫??

我的好友即是好震驚地答嘴: 下!? 咁我d皮膚仲敏感啦~咁我咪.................................

醫生聽到即時笑晒口咁答:  皮膚敏感同體質敏感唔同架~~~放心, 唔關事的 (之後又一輪嘴再講體質敏感論........................=,=)

 

總之一句講晒, 體質是關鍵!!!! (我的結論啦!)                      最後講完講返正題囉.......

 

醫生:  講返呢2隻各有咩野分別先, 阿sa果隻可以預防4大主要子宮疾病........(再介紹邊幾種病, 又一輪嘴@@) 比余安安果隻多一個防椰菜花(濕疣), 雖然佢比阿sa果隻少左一樣預防, 但講效力持久方面我地都會建議大部分人打余安安果隻, 因為臨床報告方面, 阿sa果隻的最大保護期約3.5 ~3.8年 (呢個我有點忘記了), 而余安安果隻就有7.3年.......當然啦~阿sa果隻雖然冇咁長,但都有人比較適合打的, 好似一些公關小姐咁, 佢地多數會打阿sa果隻, 因為阿sa果隻可以預防椰菜花呢類透過性接觸引起的性病, 但余安安果隻就冇呢項防疫囉.........(佢再一輪嘴講左好多野, 但都唔係好重要的一點, 所以唔記得了)

我再問:  醫生你話余安安果隻大約係7.3年, 咁如果過左果個時期, 我係咪要再泥打多次丫??

醫生:  呢樣我真係答唔到你, 因為我只根據臨床報告所証明的話你知, 暫時佢地的報告都係去到8年期左右, 仲未有太詳盡的報告, 我唔可以答到你係咪過左之後要再打, 又或者係佢會唔會打左之後可能終身免疫呢?? 呢樣都係暫時答唔到你的, 所以你可以好好考慮再決定係咪真係而家打....

佢好慎重同我講叫我諗清楚, 了解左之後再考慮打邊一隻或者都可以唔打, 總之唔會迫我.........................不過佢有建議我, 佢話佢地大多數會建議打余安安果隻囉

 

我真係諗左一陣, 同我好友眼望眼, 醫生就o係度寫緊野.........

我決定了.................反正來了, 遲早都要打來買個安心, 照打啦!!!!!!!!!!

 

醫生又例行檢查一下我的喉嚨,睇完佢就問:  你係咪好中意食糖.......=,=

(我心諗: 唔通佢睇到我有蛀牙???)

原來佢話見我喉嚨有少少細水泡, (有個名稱的, 但我唔記得了) 又問我係咪平時好少飲水

(我答:  唔係丫~我平時飲勁多水........)

醫生再問我係咪平時工作要講好多話.................

(我答:  下!? 一般......我都唔知算唔算講野多......=,=)

聽到醫生突然驗到我有呢樣野, 雖然醫生說唔係大問題, 還說好多人都有這個情況...............但我都好擔心好怕怕 

(之後佢又再講一大輪關係這方面的事........................我唔打出來啦~)

我又再問: 打果時痛唔痛架?

醫生笑一笑答:  痛就一定會痛, 因為D疫苗都係o係要打果時先即時o係冷凍庫度拎出泥, 所以好多時都未來得切完全解凍, 因此當未解凍的疫苗即時注射入身體, 你的血管咪會因為咁收縮囉, 咁咪會令你覺得痛囉.........

(原來係咩?.....明白=,=) 

 

打針一刻到了, 護士姐姐幫我打的, o係打之前我又問會唔會好痛 (我都覺得自己好煩!)......點知佢諗都唔諗又答我: "會痛架~"  /////////////////ToT\\\\\\\\\\\\\\\\\\\\\\\ (之後又講返同醫生講的解釋一樣....)不過佢最尾有加多句, 佢話佢地果d疫苗打之前會稍微解凍一下先.................................

 

我揀左左手手臂感受注射一刻..........

消毒施打部位, 叉住腰, 唔好望!!

護士姐姐一路打一路問我痛唔痛, 佢一隻手注射, 另一隻手幫我在施打位置周圍輕輕的按摩, 這樣做的確分散到我身體同感官對注射位置的感覺, 慢慢地打入疫苗, 注射了約2分鐘的時間, 我其實除了剛入針後有很輕微的注入感覺外, 還有一丁點的輕輕拮一下 (完全唔可以說得上是痛囉!!) 之後我全程一點感覺都沒有!!!!!!!!!!!!!!!!!!!!!!!!!!!!!!!!!!!!!! 唔通我太冷血, 所以唔怕凍到痛???? <----呢樣係我自己諗多左ja@@

打完之後施打位置只有少少麻痺感覺, 我樂透了!!!! 根本一點都不痛, 好輕鬆囉!!!

但護士姐姐都有提醒我這幾天針口位置會有(於)痛情況, 有些人可能會有喉嚨痛或發燒, 疲倦等.......

 

 

不過自信十足的我懶理, 因為我很少病.......就算是感冒季節公司人人都輪著感冒, 但我總是沒有被傳染唷!!!!!! 總之我有病時都唔需要睇醫生就好返, 最多係啪多幾粒維他命C.......(大家有病就得睇醫生, 唔好學我咁懶=,=)

 

一針盛惠mop950, 我有5百蚊醫療卷, 即係只需比現金mop450, 第二針在一個月後, 到時唔知收到今年又派的5百蚊醫療卷未呢?? 就算未, 我打第三針(6個月後)時都應該收到了^^~~計下數....打子宮頸癌疫苗一共要打3次, 每針mop950, 共mop2850 (這個是promo.價, 原價要mop3600/3針), 不過我有醫療卷, 所以就算打晒3針都只係mop1850~~~我朋友用埋佢爸媽的醫療卷, 咁即係只需比一半ja!!!!

 

 

打完之後佢地比張注射卡給我, 分別寫底之後三針的施打日期, 護士姐姐說到打第2,第3針的前一天會SMS提醒我到期去打, 到時只需打電話同佢appoint就得!!!!!

 

 

當我以為打針位置只會酸痛幾天, 酸酸下又或者唔掂佢就輕鬆渡過的天真想法時...............打針後當晚我開始出現了喉嚨痛, 頭暈又頭痛, 仲有輕微發燒症狀...........之後第二次整個人超級累, 好頭痛, 個腦好似硬左咁, 仲要不停咳嗽@@ 到第三天已經咳到我聲音沙啞了=,=

 

不過我冇食藥冇睇醫生, 我想考驗一下自己會需要幾多天才會自癒呢??????

 

(=,=)

 

 

 

 

答案是第4天

開始冇咳聲音都慢慢變正常, 針口位置都不酸痛了.............................................

 

自癒力果然高^^

 

 

 

 

好長好多字的一篇文, 多謝大家耐心咁睇完.....

 

THANK YOU!

 

 

我們都推薦這篇博文 (7個推薦)

6655

0

7

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:0

評級了:0

心動了:0

戰利品:0

Archiver|手機版|Privacy Statement|Terms Of Use|Contact Us

GMT+8, 2014-7-28 14:13

Powered by theztyle.com

© 2008-2012 The Ztyle.

TOP