註冊 登錄
theZtyle.com 返回首頁
LATEST BLOG

Ming的個人博客 http://evildevilming.theztyle.com [Bookmark] [Copy] [分享] [RSS]

博文

襪襪實實Talika (請大家幫幫忙吖~)

2011-8-30 22:04

個人分類:Beauty|系統分類:Beauty|

女生, 大部份都好注重保養,
面部當然係重點,
但係雙手會見人亦都不能忽視,
身材更加要注意,
如果唔係一個唔覺意肥到嚇親人自己都唔知~

做女生, 真係辛苦,
想偷懶一下,
唯一就係得返對唔係吓吓要拎出嚟見人嘅腳板~

不過...雖然唔係話要拎出嚟見人,
但係嚡烚烚自己都覺得唔係幾好意思嘅,
尤其是夏天經常著涼鞋,
雙腳少咗層保護就更加容易變得又乾又嚡~

一般嘅足部磨砂只能將死皮磨走,
咁修護呢???

好彩Talika舉辦 ~天然精華 締造水嫩美足 贏取夏日SPA之旅2011~ 呢個活動,
令我有機會試吓用 Talika feet therapy socks 腳部護理足膜 修護最令人忽視嘅雙腳~



其實上年Talika舉行 X'mas Private Sales 時我已經見過佢架喇,
當時係以一對手套+一對襪仔嘅優惠set裝出售,
我企喺counter前十五十六咗好耐架,
不過最終都忍手冇買到......

自從上次一別之後,
如果想再買返呢對襪仔嚟試,
暫時喺香港陸上應該都買唔到喇,
要等有朝一日乘搭國泰或港龍航班,
喺機上先可以買得到,
Talika今次舉辦試用實在太好喇~~~~~~~  \(^0^)/

要去Talika辦公室領取試用品, 都唔係一個easy job嚟架~  (尤其是依家大熱天時)

去到中環雲咸街


首先要行一大段長命斜


去到呢個分叉路口要繼續行中間呢條雲咸街


行到嚟呢個位要小心喇, 已經行咗一大段路滿以為呢個門口就係終點嘅話,
你就俾呢個陷阱呃倒喇~
(唔係去唔到目的地嘅, 不過要行12層樓梯囉...真係至少有一位領獎者中咗招行足12層呀, 陰公~~)


其實大廈正門係仲要行多4-5個舖位先到架~


去到Talika嘅辦公室,
PR姐姐好nice請我坐低填返少少資料,
同埋介紹俾我知對襪仔要點用,
言談間我講起我之前有去private sales,
PR姐姐竟然仲記得我!!!  (可想而知我當日買咗幾咁多嘢, 咁大家知我點解要忍手啦...  =.=|||)

好~  入正題喇~

包裝精美, 清新又高雅,
而且係令人睇得好舒服嘅天藍色~


除咗一盒試用嘅腳部護理足膜,
仲附有一本有關Talika其他產品嘅catalog,
不過全本都係以英文介紹,
如果有中文版會更合我心意~


一盒一對, 襪仔係以天然竹纖維製成架,
聽落好特別喎, 竹纖維=環保物料??
唔會有損地球先生嘅product?  Good呀~ 

開口處有security seal封住,
確保冇人開過用過, 乾淨衛生~


襪仔係湖水藍色, 以白色印上Talika嘅品名,
簡單得嚟又幾搶眼喎~  (好鍾意個藍色, 好shape~  >v<)


襪底印有好多小腳印,
可愛得嚟兼具有防滑嘅作用~


驟眼睇落去,
佢只係一對普普通通嘅襪仔,
但係睇真啲...內有乾坤
入面好似有啲嘢喎......


將對襪仔內外反轉...咦?!  內層個質地咁得意嘅,
有啲似膠, 又有啲似啫喱咁,
呢層究竟係咩嚟嘅呢?


呢層其實係Talika以專利凝膠基質嘅生物聚合物製成嘅營養啫喱嚟架,
當中包括鱷梨油、祖祖巴油、葡萄籽油、豐富嘅維他命A、C及E

當雙腳與足膜接觸後, 內存嘅水漾因子就會源源不絕地輸送到肌膚, 能有效軟化及醫治長滿老繭嘅雙腳。通過皮膚深深緩釋出維生素, 神經酰胺及植物油脂, 喺肌膚表層留下光亮嘅保護膜, 令膚色更均勻以及減少毒素積聚, 保護肌膚免受外來環境侵害, 同時保充水份, 滋潤皮膚, 幫助延緩衰老過程, 令足部肌膚變得幼嫩細滑。


睇完以上令人心懭神怡嘅圖片與介紹,
請各位有心理準備, 我要同大家坐一坐過山車,
由高處將要跌落谷底喇,
因為以下要睇嘅圖片, 比較......難頂囉...
就係本人嗰雙懶得打理嘅腳..............  =.="  (唔好意思辛苦大家喇)

本人好怕焗腳, 而且又貪快懶得綁鞋帶,
所以通常都著拖鞋/涼鞋就走出街,
少咗一層保護之餘皮膚仲經常同對鞋直接地不斷磨擦,
雙腳自然又乾又嚡, 乾燥爆擦甩皮走唔甩......


雙腳行咗咁遠水路,
今次要好好慰勞佢,
係時候同佢補一補, 潤一潤啦~

著上一對襪, 5秒都唔駛,
咁就可以修護雙腳, 真係好方便~

對襪仔個設計我諗就冇分邊隻左邊隻右嘅,
不過個人認為好似右圖咁Talika字樣靠外好睇啲~
著咗上腳, 顏色好鮮明呀,
望吓都覺得個人醒神啲, 哈哈~~


注意事項如下:
‧每對足膜可重覆使用30次
‧穿上足膜前請先清洗乾淨雙腳
‧如有需要, 可於穿上前使用浮石撫平多餘嘅皮屑, 並塗上您喜歡嘅護膚乳液, 令足膜養份更易吸收
‧每次最少需使用20分鐘, 最多持續使用8小時

可以使用咁多次, 咁需唔需要清洗呢?
雖然工作或休息期間都可以使用,
但係我諗冇人會打算當普通襪咁著出街啩, (如果你堅持要著出街, 咁我唔識答你喇...)
既然唔會著出街, 咁都唔會污糟得去邊嘅~

如要清洗只需以清水輕輕洗去表面嘅塵同汗,
再放喺乾布上自然風乾便可~


千萬不要: 將襪仔搓/扭; 於日曬下晾曬
咁會破壞營養啫喱嘅功效架~


我著住嚟睇電視大概一小時左右,
著住佢唔會影響我日常其他嘅運作,
又唔駛擔心啲精華會漏出嚟整到周圍都係而要坐定定,
而且佢層啫喱軟棉棉咁著落好舒服,
如果真係著住佢做運動, 應該同嗰啲air force一樣有避震效果,
好正呀~

唯一係要話唔鍾意嘅係,
我唔會忍受到真係持續著住佢8小時囉,
我講過, 我怕焗腳嘛,
著咗一小時左右,
俾啫喱包覆住嘅範圍已經覺得焗喇~  (其實要焗都正常嘅, 熱力都會有助吸收嘛)

一小時後


前後兩張圖隔得太長篇幅對比唔到?
放埋一齊俾大家睇清楚


著一次腳板已經明顯潤滑有光澤,
先前腳掌脫皮嘅情況改善咗,
腳跟乾燥龜裂亦都滑溜返晒,
連腳板底啲紋都好似減淡咗啲啲,
著多幾次, 我唔著鞋行路會唔會滑到跣腳架??



PS.
自己影自己腳板底仲要影得清楚真係唔易架,
我單腳企兼拗腰hold咗好多次先影得清,
俾啲掌聲鼓勵吓...可以嗎?

另外, 8月28日至9月8日期間會喺 Talika facebook page 有讚好嘅活動,
麻煩大家click入
Talika facebook page 讚好,
然後 click 去呢度→ click我啦 喺圖片度讚好咁就得架喇~

請大家多多支持幫我去讚個好吖, 多謝~~~  ^_^

我們都推薦這篇博文 (1個推薦)

1541

0

1

SocialTwist Tell-a-Friend

評論 (0 個評論)

facelist

您需要登錄後才可以評論 登錄 | 註冊
Private Message
驗證碼 換一個

專業指數:6

評級了:6

心動了:0

戰利品:6

Archiver|手機版|Privacy Statement|Terms Of Use|Contact Us

GMT+8, 2014-4-25 05:16

Powered by theztyle.com

© 2008-2012 The Ztyle.

TOP