||
早前受馬會邀請,再次踏進跑馬地馬場,今次是阿花的第一次呢,而我已經是第三次入場,但每次入去,其實都係食食食.... (月巴!!) 話說跑馬地馬場於四月份的星期三,都會舉辦名為「Magic Comes to the Valley」的活動,大會邀請了三位現今最受歡迎的世界級魔術師獻技,讓大家在 Happy Wednesday 盡情受享派對ヽ(。◕‿◕。)ノ
三位世界級魔術師,分別是來自新加坡的 Jeremy Pei﹑來自加拿大的 Richard Forget 及香港首席魔幻大師李行齊。除此之外,更邀到魔術高手 Sean Macfarlane 及 Stuart Palm 現身啤酒園,於觀眾面前近距離表演!務求令大家都投入參與,喜歡魔術的朋友,千萬別錯失良機!!
前兩次入馬場是為了食,今次亦無例外,來到「月貝凡 The Gallery」享用晚餐。The Gallery 是半自助形式的餐廳,$299/位 的收費,包一份主菜及一杯飲品,前菜﹑沙律﹑甜品等食物則任意享用。
因為花小姐跟我都餓死喇,所以到座位放好東西後,就急不及待衝去搵食!前菜及甜品的款式算多,而且味道都不錯,只是當日的餐湯 (胡椒? 芝士? 湯... 唔太記得名喇><) 比較辣,不是人人都能接受。
兩個傻人出去拎食物,起初仲大鄉里地諗「點解自助餐無乜熱盤食架?」,熱心的侍應可能看不過眼,所以主動走來跟我們解釋。原來進場的時候,會每人派一張 (下圖的) 飛來換取主菜一客。
去櫃位落好單,職員就會 (每份餐) 俾一塊膠牌你,牌上的數字是代表需要等候時間 (人◕ω◕)
因為等待需時,所以兩隻小鬼引唔住要食甜品先喇~!基本上每樣甜品的水準都不錯 (講真架!!!),阿花最愛當中的士多啤梨拿破崙,而我就最愛檸檬撻ヽ(◕‿◕。)❤
食完甜品仲有時間,阿花話想試下買馬喎!平日阿花同阿bi 咁乖,對賭馬仔真的一竅不通,硬著頭皮衝到投注櫃台請教職員哥哥,兩個傻人問問問,相信職員哥哥一定覺得好煩嫌啦!聽完解釋,我地就返位重詳計議...
另外,現時用 iPad / iPhone 下載 "Racing Wisdom" app,即可參加 "贏家地帶" 的遊戲,當日累積最高分數的參賽者,會有非常豐富的禮品!!
如果睇完簡介都對遊戲不太清楚?不妨請教場內的各位美女職員吧!她們會非常樂意細心為你解釋,而且場內有 iPad 出借,保證人人都能參與其中。
玩到差不多,枱上忽然隨來一陣震動,原來是膠牌提示我們有食物預備好啦!可以自行到櫃台拿取 ♡
法式鴨腿配紅酒汁及忌廉薯蓉
鴨腿肉質偏鞋,個人又不太喜歡這個醬汁,所以不是太喜歡。
香煎美國肉眼扒配大松野菌, 南瓜蓉及賓利士汁
肉眼扒煎得剛好 (但對偏好食生d既朋友, 可能唔太岩胃口),大松野菌配南瓜蓉超級好味!非常非常推薦呢❤
焗大西洋海鱸魚配紅甜椒汁, 法國新薯及茴香
海鱸魚煮得比我想像中出色,配上帶點酸酸甜甜的紅甜椒汁好醒胃,是我推薦的菜式之一❤
粟米忌廉, 黑松露菌及巴馬臣芝士炒意大利通心粉
就是普通的通心粉,配上一點黑松露的味道,味道可以,但不算出色。
意式辣肉腸及銀魚柳水牛芝士薄餅
最後這個薄餅,是大家一致認為的差勁之作,又硬又無味,食兩啖我就投降,非常非常非常差 (。▻ ܫ◅)
食飽飽,我地就去落注喇!俗語話「情場失意,賭場得意」,今日阿花同阿bi 就要證實一下是真是假ヽ(。◕ܫ◕)人(◕ܫ◕。)ノ
最後最後,要告訴大家一個好消息:
啤酒園將於 Magic Comes to the Valley 三晚活動中以「你會怎樣向友好推薦 Magic Comes to the Valley?」作題目舉辦遊戲,大家可以寫上最具創意的答案參加。每晚大會將選出最出色的10位參加者,每位可獲以下人氣偶像的演唱會門票兩張。
4月10日
G.E.M. XXX Live演唱會VIP門票HK$1280兩張
- 最前3行位置
- 秘密後台參觀
- 送G.E.M. 親筆簽名演唱會紀念T恤
4月17日
韓國人氣型男玄彬 The 1st Asia Fan Meeting Tour in HK門票$1280兩張
4月24日
想知壓軸送出那位韓國超級巨星的香港演唱會門票,請留意 Facebook happy valley racing 專頁公佈
♥Facebook Page♥
♥Weibo♥
♥Youtube♥
e-mail me : [email protected]
*多謝觀看*
Archiver|手機版|Privacy Statement|Terms Of Use|Contact Us
GMT+8, 2019-12-15 23:05
Powered by theztyle.com
© 2008-2014 The Ztyle.