註冊 登錄
theZtyle.com 返回首頁
LATEST BLOG

falav的個人博客 http://falav.theztyle.com [Bookmark] [Copy] [分享] [RSS]

博文

鮮到無朋友@焱丸水產

2018-2-13 16:35 | 標籤:焱丸水產

個人分類:飲飲食食|系統分類:Dining|

識一個鍾意週圍食唔同菜式既友人, 有時都幾唔錯!  呢間主打日本菜及海鮮既餐廳就係佢邀請我黎既!


餐廳面積唔算太大, 但位與位之間都唔算太迫, 坐得都幾舒服!  超和式裝備佈置, 真係有如置身日本食館
 

餐牌上提供相當多款既和食及浜燒類

仲有各式特式飲品及酎燒

呢客作為頭盤嘅三文魚洋蔥卷 ($58), 一客4件, 一口一件好方便, 軟滑三文魚包住洋蔥, 洋蔥帶點辛辣味代替山葵, 再點少少酸汁醬, 有點醒胃作用!
 
 
餐牌上有"焱丸名物"呢四個字嘅焱丸號壽司 ($158), 三大件特大軍艦, 食材包括海膽, 吞拿魚茸及蟹柳絲!  每件軍艦既食材都多到"漏"出黎, 海膽控友人要分2啖先可以KO呢件軍艦, 味道鮮甜唔在講, 再加上有幾粒三文魚籽嘅咸鮮脆感, 滿分度爆燈
 

另外我食左呢個蟹柳絲, 鮮甜多汁, 好滋味!

有壽司, 好多時都會跟著叫埋刺身, 呢客刺身五盛 ($280)包括帶子, 三文魚, 吞拿魚, 鱆紅魚及海膽, 刺身件件厚切, 食起黎相當有口感, 綿滑味美, 配上辣度十足既山葵, 更能提升刺身本身既原味! 一客份量唔少, 價錢相當抵食!
 

凍食告一段落, 呢度既浜燒咁出名, 點可以唔食呀?!

點左蟹味噌甲羅燒 ($68)及南瓜蟹肉甲羅燒 ($68)
 

食浜燒有侍應代勞, 放上去火爐上, 將蟹膏, 春蛋, 蟹籽及蔥粒混為一體再燒, 無需好耐就食得!
 

用匙更"畢"起一啖放進口, 熱辣辣軟綿綿, 蟹膏既鮮甜味混入蛋既香味, 再有蟹籽既香脆口感, WOW.............好邪惡呀..........
 

浜燒時間繼續.........再黎多個焱丸活貝大盛 ($368), 食材包括白蜆, 蠔, 鮑魚及帆立貝
 

先燒白蜆及鮑魚, 想講鮑魚係仲生猛, 放上火爐時仲會扭動身體! 睇到我目定口呆.................... 而係燒既過程中, 侍應會加水及上燒汁以保持食物濕度及味道!
 

鮑魚咬落彈牙, 真係無得輸, 鮑魚味雖然唔算好出, 但鮮甜味係食得到!
 

之後到蠔及帆立貝啦, 兩者都係巨型碼數, 望住佢地係火爐上慢慢燒熟, 我嘅口水就一直流著..............
 

食完呢2款, 我得出4個字.....................鮮甜到爆!!  所以話, 只要食材新鮮, 用最簡單原始既煮食方法已經夠啦!
 

食著熱辣辣既海產, 同友人飲住呢2杯冰涼透心嘅青蘋果颱風乳酸 ($68)及熱情菠蘿燒酎 ($78), 仲可以有咩講?!..............CHEERS..........!!
 

友人已經對於個甲羅燒開始念念不忘, 說穿了係掛住D蟹膏, 好啦好啦, 叫埋呢個松葉蟹膏天婦羅 ($98)應該滿足到你啦卦?!  你睇下D蟹膏多到.........一咬外脆內軟滑, 蟹膏味係口腔內大爆發, 對於鍾情蟹膏的你, 又一種新食法! 另外佢嘅小辣椒及茄子亦炸得相當出色, 炸漿唔厚又唔油膩, 沾上天婦羅汁一齊食........"哦E詩"!
 
 

我地胃口從來唔係細碼, 加多個北海道海鮮炒飯 ($78)會更加完滿, 材料有魷魚, 蟹籽, 貝類等, 欣賞佢炒到飯粒夠乾身及唔油膩, 再加上黑椒調味, 食起黎有少少辛辣感, 無一般炒飯咁單調!
 

今餐食完相當滿足, 口腔內仍然留有海產類既餘韻, 妙極...........妙極!
 
 
焱丸水產 : 尖沙咀棉登徑23號華楓大廈地下566號舖
 
 
contact me : gingerszeto@yahoo.com.hk

論壇地址:forum.php?mod=viewthread&tid=867513

我們都推薦這篇博文 (2個推薦)

828

1

2

SocialTwist Tell-a-Friend

發表評論 評論 (1 個評論)

回覆 MR. MOON 月兒 2018-2-15 11:14
NICE

facelist

您需要登錄後才可以評論 登錄 | 註冊
Private Message
驗證碼 換一個

膚質:混合性

髮質:油性

專業指數:237

評級了:81

心動了:0

戰利品:76

Archiver|手機版|Privacy Statement|Terms Of Use|Contact Us

GMT+8, 2018-8-18 15:19

Powered by theztyle.com

© 2008-2014 The Ztyle.

TOP