theZtyle.com

查看: 2235|回覆: 0

金盞花又有新成員喇[email protected]'s 金盞花修復精華面霜 [複製鏈接]

Rank: 7Rank: 7Rank: 7

帖子
8
發表於 2019-5-22 11:14:03 |顯示全部樓層

自Kiehl's前年推出左金盞花蘆薈鎮靜保濕凍膜之後,我身邊既朋友同我自己都真係成日出街Shopping都會定時定侯去補貨。而今年金盞花系列又有新成員加入,我當然係馬上第一時間要試用啦~其實我本身都已經係金盞花系列既DIE HARD FANS,佢所有既產品我都試過,包括有潔面,爽膚水同凍膜。因為我本身皮膚都係比較易敏感同泛紅,所以天氣一轉同稍為熱少少,我就必定要用金盞花系列幫我急救,而今次新加入既金盞花修復精華面霜更加係為我肌膚強化保護屏障。你都想知佢既功效有幾神奇?馬上睇埋落去啦~

係試用金盞花修復精華面霜之前,我地當然要軟化同去除面上舊角質先啦,而我當然係會用金盞花植物精華爽膚水,佢不含酒精成份、可以幫助收斂、清潔、均衡、活化、調理肌膚,亦都有助暗瘡疤痕之癒合,同改善輕微的肌膚敏感現象,亦都好適合男士係刮鬍後使用架。
而我自己就習慣倒係化妝棉上面抹,因為咁樣就可以輕易帶走面上所有既污垢喇~
 

睇下,左圖係未抹前,可以見到都幾紅同多油脂,而中圖係抹完之後,馬上見到皮膚上既係水份,而且潔淨同亮白左好多,而最重要係抹出來既污糟既呀,舊角質都好多啊~成張棉(右圖)都變我灰黃。
   

之後就係搽金盞花修復精華面霜,其實睇佢既包裝,大家都可能都會話個質地應該係似凍膜,係啫喱狀,但我自己都俾佢呃左,其實佢一打開係似蜂膠既顏色,亦唔係透明,似乳霜但唔厚身。但佢既金盞花味就好香,好似一樽入面有一扎花咁,芳香撲鼻。
 

但係搽上面推開之後,又覺得個cream馬上變左水狀,可以即時滲透入皮膚既底層。所以好似我呢d好缺水既皮膚,頭一,兩日搽上面,會感覺大少少, 好似有微微吉吉地,但第三日打後就無,而且仲feel到皮膚24小時都好水潤,好白雪雪。
   

我自己就覺得,如果眨紅都幾嚴重既SIS們真係可以化妝前薄薄搽一層係皮膚上。因為我自己用左一個星期後,我覺得就算天氣熱,我面都無變到好似蕃茄咁紅,眨紅問題係短短幾日就可以得到改善。而且用後真係感覺好舒服。因為佢會有少少冷涼感,就好似有個凍膜係面上覆蓋住。好舒服好正~
 

如果大家都有興趣試下,可以上Kiehl's facebook,佢地現時有派發試用既活動。
而如果想了解呢個cream更多資料,可以去以下網址睇下架:
https://www.kiehls.com.hk/zh_HK/%E9%87%91%E7%9B%9E%E8%8A%B1%E4%BF%AE%E5%BE%A9%E7%B2%BE%E8%8F%AF%E9%9D%A2%E9%9C%9C/KHL270.html

 

好喇我既分享就到呢度喇,希望大家鐘意啦~
以上產品由品牌提供試用

 


博文地址:http://www.theztyle.com/home.php ... 2&do=blog&id=359931
您需要登錄後才可以回帖 登錄 | 註冊

Archiver|手機版|Privacy Statement|Terms Of Use|Contact Us

GMT+8, 2019-10-21 07:38

Powered by theztyle.com

© 2008-2014 The Ztyle.

TOP