theZtyle.com

查看: 5409|回覆: 0

[穿搭] 希臘風的Gingerlily 品牌今季的Lovely Pastel系列涼鞋 [複製鏈接]

Rank: 6Rank: 6

帖子
385
發表於 2015-5-1 03:55:08 |顯示全部樓層
Gingerlily 呢個品牌, 對大家黎講可能有d陌生~~就等我介紹一下啦~~

Gingerlily其實係一個來自希臘既時尚涼鞋品牌~~~一個具有現代女性自主個性及時尚風格的品牌!!!
品牌以野薑花命名, 就係欣賞佢個種獨立同埋溫柔既氣質~~~
野薑花生長喺大自然, 綻放清麗既白色花朵, 散發淡淡既幽香~就好比現代既女性, 能夠獨立、堅強自主地為生活而奮鬥, 展開璀璨美麗既人生~~

Gingerlily推出既涼鞋全部喺希臘製造, 而且著重品質, 嚴格挑選優質皮革, 再加上柔軟鞋底, 為一眾時代女性提供設計優雅而穿著舒適既鞋履。 


今季推出既Lovely Pastel系列涼鞋, 顏色都相當柔和~充滿春日色彩!!!.....
一齊睇睇我今次挑選左咩鞋款啦!!!!

先黎睇睇鞋盒既設計~簡單而討好!
單色既設計, 配合品牌logo同埋slogan~好舒適既感覺呀~~(再加埋我屋企既木地板.....仲多左種懶洋洋既感覺添~ha!)


鞋履用雪梨紙包裹得超好的說!!!!....^^


登登登櫈~~呢對就係我挑選既Lovely Pastel系列涼鞋款式 ($489)啦~~~

買涼鞋我通常都會揀"人字拖"咁樣夾腳趾既款式, 因為我既骨架問題, 除左手幼腳幼之外, 連腳掌都比較扁而無肉~hahaha!!!....所以如果唔係夾住隻腳趾, 我相信我十隻腳趾都會行到跌晒出界, 直踩地面~~XDDD

另一個喜歡呢個款式既原因, 又係因為我既骨架問題啦, 腳腕都係幼既~~所以有搭帶既涼鞋款, 著起上黎唔單之唔會突出我呢個過瘦既缺點, 反而更有助令對腳變得更修長呢~


Gingerlily既涼鞋都有以下四大特點: 
- 希臘製造 (Made in Greece) 
- 全皮製作 (Genuine Leather) 
- 輕巧鞋身 (Ultra-lightweight) 
- 柔軟鞋底 (Flexi-outsole)

希臘製造、全皮製作, 呢2點就唔洗講都見到啦~~~鞋面印有"Made in Greece", 又摸得出對鞋係皮既~~~
至於輕巧鞋身.....絕對係!!!~~不過睇相就睇唔出勒~~我屋企又無磅....但對鞋真係................輕到爆~:P
再黎, 柔軟鞋底...........100%係有圖有真相:

真係唔係講笑, 個鞋底柔軟到呢......................我只可以講, 我全屋只有一對鞋底咁柔軟既鞋....就係我喺屋企著個d拖鞋囉!!...唔多出得街個d款式喎!!!


鞋底呢個質地 + 花紋....我估應該ok防跣的!!......(不過佢全皮製作喎~~~我唔會選擇下雨天時穿著吧!ha~)


我真係一收到呢對鞋就愛不擇手啦~~~~馬上試穿!!...........2個字~~大愛!!!!!

好靚好靚好靚~~


一對咁舒適既鞋履....我選擇左配襯2個比較假日casual feel既造型:

1. 簡簡單單, 一條設計簡單, 喺肩帶有閃片既淨色連身裙, 再加呢對Gingerlily涼鞋....個造型簡單得黎已經好perfect!! 顯得條裙同對鞋都好靚, 各自突出優點而互不搶鏡~HAHA!

深藍色連身長裙: from Esprit Outlet ($2XX)


2. 一個平價版既假日casual look, 全身既衣物只需$1XX, 當然, 對涼鞋是價值$489的好物!!:P

夏天梗係要著短衭show下腿架啦~~haha!!!....對腳同樣好突出~~好鬼靚~^0^

漏斗印花tee: from 荃昌中心既小店, below $100~

淺藍色牛仔短褲: from 旺角中心既小店, below $100~



講左咁耐, 究竟可以喺邊度搵到Gingerlily既涼鞋呢?^^
銷售點:
C.P.U.
香港銅鑼灣軒尼詩道500號希慎廣場7樓712-714室
香港銅鑼灣崇光百貨3樓 櫃位3-29C號
九龍旺角山東街59-65, 59A-63A百祥大廈地下A4號舖
九龍旺角花園街1號鴻禧大廈地下3號舖
九龍旺角花園街35號地舖
九龍尖沙咀河內道18號K11購物藝術館一樓122號舖
九龍尖沙咀彌敦道20號喜來登酒店祟光百貨地下G04號舖
新界上水新都廣場223號舖
新界沙田新城市廣場三期3樓A308號舖 
新界沙田車站圍1號連城廣場地下29號舖
新界屯門屯順街1號屯門市廣場一期一樓1209-1211舖 
新界葵芳興芳路223號新都會廣場1樓101號鋪

Rabu Rabu
九龍鑽石山荷里活廣場1樓168號舖 
九龍九龍灣德福廣場二期3樓347B舖
新界青衣青衣城1樓158號舖



希望大家會喜歡我既介紹啦~~~
如想了解更多, 可以到:
Gingerlily Facebook Fans Page: https://www.facebook.com/pages/Gingerlily
或致電查詢電話: 24817777



產品及資料由品牌提供及贊助~




博文地址:http://www.theztyle.com/home.php ... 4&do=blog&id=276417
您需要登錄後才可以回帖 登錄 | 註冊

Archiver|手機版|Privacy Statement|Terms Of Use|Contact Us

GMT+8, 2020-2-26 18:06

Powered by theztyle.com

© 2008-2014 The Ztyle.

TOP