|
如果大家想有Eye catching的妝容，不妨可以試下Pupa呢個品牌。最近，我出席左Pupa的化妝技巧分享會，由Pupa的首席化妝師, Giorgio Forgani 新自教授化妝技巧。 呢位Giorgio來頭都唔惹少，佢曾經擔任眾多名人及名模私人化妝師，包括Cindy Crawford, Naomi Campbell, Monica Bellucci等。Giorgio更擔任Valentino, Giorgio Armani, Blue Marine ,MC Queen, Roberto Cavalli時裝展的化妝師。 
見到整張檯都係化妝產品，番完成日工的我即刻好興奮。大家一齊睇下佢有啲咩產品： 第一樣係甲油，呢度有泡泡甲油組合(Bubbles Nail Polish) 及瘋狂水晶甲油組合(Crazy Crystals Nail Polish)。 
泡泡甲油組合做出黎的效果係咁嘅~~ 
睇住呢位Blogger的指甲，我諗起好好味的Yogurt雪糕，在雪糕上面加左好多細細粒的珠珠糖霜，Delicious~~~ 另外一組係瘋狂水晶甲油組合，除左甲油外，佢會有同色的碎碎的纖維黏在甲油上，打造出絨面3D指甲。我覺得呢款會比較適合我，因為搽完佢之後，感覺會女人味啲同Sexy啲。 
第二樣係胭脂(Blush)組合，有具啞光感的娃娃風啞緻胭脂(Like A Doll Blush) (胭脂盒蓋係唔透明的)，另外一款係具珠光感的娃娃風珠光胭脂(Like A Doll Luminys Blush) (胭脂盒蓋係透明的)。兩者都係用烘焙法煉製而成，佢比一般胭脂的透薄自然，色澤持久的。摸上手，我係發覺佢真係比較薄啲。 
第三樣係BB妝前底霜(Professionals BB Cream + Primer SPF 20)，簡單啲來講他係一個比較水感重啲的BB Cream。好適合一啲鍾意方便快捷的都市女仔，因為呢件產品已集合防曬、保濕、遮瑕、同均勻膚色的作用。不過，SPF20真係唔係好夠，大家要自行配備有防曬功能的碎粉補妝啊!  第四樣產品係星魅幻彩鑽白光影液(Luminys Touch Pearly Edition)，佢係一支功能好似YSL明彩筆的產品。佢可以用黎遮黑眼圈、提亮鼻翼及嘴角等暗沉的膚色，又可以做面部輪廓的Highlight。 
我搽左啲在我的黑眼圈位置，同虎紋位置。我覺得閃粉的粒子大左啲，但係如果你再撲番粉落去，啲閃粉就唔會咁明顯。Luminys Touch係Concealer黎架，提提大家搽完佢之後唔好唔落粉啊! 
第五樣係螢亮透薄無瑕粉底液(Light Active Perfect Skin Foundation)，佢係Oil Free架，不過我冇試上手。所以，我暫時對佢係No Comment架! 
第六、七、八樣產品都係同眼妝有關，咁係重點留意啦! 以下兩支係2合1眼線筆，即係既可以當眼線用又可以當眼影。只需要用做海棉頭將眼線推開，就可以做到眼影的效果。 
跟住就係呢啲眼影組合(Pupart Eye Palette)，我係好鍾意呢顃的Palette眼影，因為佢好方便。每盒裏面，佢係有啲顏色係比較Matte啲，有啲顏色係比較Shiny啲的，仲要一盒有9隻色，係好適合轉妝時用。 
而最令我驚喜係以下呢款產品，佢的名字係星魅閃爍眼影(Wet & Dry-Iridescent Pigment Eyeshadow)，簡稱Pigment。香港唔係好多開架品牌有賣類似的Pigment，可能係因為佢係好多人唔識用佢(包括我)，所以就會經過見到呢類Pigment，都慣性忽略左佢。大家可以睇睇Pigment的顏色，真係好靚，顯色度亦都好高。乾用的時候，顏色係沉色的。但係一濕用的時候，佢就變螢光左，大家稍後會見到Model的眼係Sharp左好多的。 
Giorgio今次用左以上的3個Pigment幫Model掃晒成個眼窩位以加強其層次感，跟住佢點左少少水再點上Model的眼上面，即時沉實的緣藍色變左調皮的少螢光綠。 
上圖睇得唔清楚的，可以睇下圖。請留意Model 眼窩位，左手邊的圖係未加水的，右手邊的圖係加左水的，大家睇到個分別嗎？ 
跟住就係Model化左半妝的樣，同Model化完全妝的樣，係唔係好Sharp呢?  
其他Lip產品，我下次試俾大家睇! Pupa的產品可以在邊度有得賣呢？在 Sa Sa 舖頭囉!
博文地址：http://www.theztyle.com/home.php ... 7&do=blog&id=205695 | 
發表於 2013-8-15 00:12:57