|
又係第一時間俾大家睇下我的Before-After相。哇~~哇~~係唔係白左好多呢？我已經盡量用自然光黎影，冇調教過光度，但係點解白左咁多？我只係敷左30分鐘的Cremorlab 的T.E.N. Cremor Perfection hydrating mask 就變成咁。 
我之前已經參加過Cremorlab品牌發佈會，而今次係試用佢嘅產品。 唔記得呢個品牌的話，可以再睇番以下Cremorlab的品牌簡介。
珍貴的天然溫泉水源 煥發肌膚新生 韓國天然溫泉水品牌Cremorlab所有產品均蘊含金津礦物水(T.E.N.)。金津(Geumjin)原是韓國江淩市的一條小魚村。自古以來，相傳村內的泉水有能醫百病的功效；直到近年，多項臨床實驗證明，金津的溫泉水對多種疾病具有顯著的療效，溫泉水才真正的聞名於世。於2009年，南韓知識經濟部投放了9億韓元，將研究泉水的醫療價值作為重點研究項目之一。 提取自地下1,100米，金津礦物水蘊含10多種人體必要及稀有的礦物質，包括釩、鍺及高濃度的鉀 (Vanadium, Germanium and high concentration of Potassium) 等，高效為肌膚保濕，鎮靜並強化肌膚，增加肌膚彈性，讓肌膚即時恢復柔軟、水潤。 生物科技集團研發 Cremorlab由南韓赫赫有名的東洋生物科技集團 (Tongyang Life Science Group) 研發，集團投放了大量的資源，針對缺水、敏感的肌膚的需要，推出一系列以金津礦物水為主要成份的護膚產品。全天然的金津溫泉水，不含防腐劑、香料、人造色素、礦物油等對肌膚有害的成份，為肌膚提供即時保濕、紓緩的感覺，瞬間調節肌膚狀態。 首先試嘅係Cremorlab的Paper Mask, T.E.N. Cremor Perfection Hydrating Mask (T.E.N. 礦物淨白水分面膜，HKD350/5片)。佢係在11款入莎莎的產品內裏最貴的一款!  主要成份： - T.E.N. 金津礦物水 - 玻尿酸、甘油、腺苷 - 天然植物萃取、海藻萃取物(維他命A、C、B1 &B2) 打開包裝，我見到塊Gel Mask係夾左在兩塊網紗裏面的(我諗此舉係為左防止塊Gel Mask黐埋一起!）。 
而Gel Mask的特色係越用越薄，大家睇下我試範啦!  
30分鐘前，塊Mask係白色啲。30分鐘後，塊Mask變得透明左同薄左啲架，大家睇下我下巴位同嘴邊的位置，Mask係皺左啲同多摺痕的。擰走塊Mask後，我的膚色係光澤左好多同白左好多的。而塊Mask就好似吸走左我面上的黃氣咁，佢變黃左~~~~ 
係唔係好正呢？ 另外，我仲試緊的有佢： 
皇牌產品之一：T.E.N. Cremor for Face Fresh Water Gel (T.E.N.礦物保濕水分凝膠; HKD 280/100ml) 主要成份： - T.E.N. 金津礦物水 - 天然植物萃取、海藻萃取物(維他命A、C、B1 &B2) - 甘油、金縷梅 - 保加利亞玫瑰精油 呢個Fresh Gel的特色係好保濕、好水潤、搽完好似有層保水膜覆蓋皮膚咁。其實佢的質地我覺得比較似Gel Cream，佢相比Gel黎講佢傑身啲同潤身啲。值得一提佢的細心位係佢內附小匙，目的係希望攞Gel時，用匙取代用手。我哋的手上有太多細菌喇，如果用手撩啲產品的話，手上細菌會黐到啲Gel到，會好易變壞的。所以，大家乖乖地，用匙啦!  
呢個Gel真係好多水同好易推，佢俾我的感覺好似放左舊牛油在個hot pan咁，一擺落去就會跣開去。我搽左一啲在手上做示範，未搽之前，我的手背係瓦色啲，一搽完左之後，我的手背係變得通透左，青筋都明顯左 (嘻嘻），都真係幾特別架! 
最後一件產品係T.E.N. Cremor Mineral Water （T.E.N.礦物鎮靜保濕噴霧；HKD80/120ml or HKD160/300ml) 主要成份： － T.E.N. 金津礦物水 － 蘆薈葉萃取物、綠茶萃取物、洋甘菊萃取物 － 豆油 － 海藻萃取物(維他命A、C、B1 &B2)  
我之前唔覺意噴到少少落嘴，我試左下，係鹹鹹地的! 我覺得呢個Spray做舒緩同降紅唔錯，但係用黎做妝後定妝就麻麻地，因為噴出黎的水粒比較大，水粒唔夠細同唔夠霧啊！ Cremorlab在邊到買？去莎莎(Sa Sa)舖頭啦！
博文地址：http://www.theztyle.com/home.php ... 7&do=blog&id=203665 | 
發表於 2013-7-31 10:45:01
