theZtyle.com

查看: 6793|回覆: 9

婚後回憶:一波N折但神奇完成的結婚日 (多字●堅爆) [複製鏈接]

Rank: 6Rank: 6

帖子
1881
發表於 2013-7-10 19:54:02 |顯示全部樓層
我估無人好似我噤爆...睇埋落去就知點爆... 要由上年開始列出一波有幾多折..仲有以下只列出唔係俾錢就解決到的問題....
 
(1) 上年年尾, 本來老早book了的婚禮場地說租約期滿, 要我們轉中式或退返訂金或提早擺酒。我們決定退返訂金,但突然要找6個月後+星期六+好日的場,仲要我們得100-120人+想要buffet+ 有戶外證婚場地。香港邊度有呀.... 神奇地在偉大的婚展中找到一間: 海澄湖畔會所 Club Siena ,Budget不是比以前多好多,Site Visit後覺得仲靚過&服務好過原本的場,仲要有期!! 一直都覺得到好似上天註定我們在那裡結婚一樣,感恩!! 
 
(2) 會所的 場地位於偏遠地方,所以我們俾多d$$在不同地方接送賓客,希望賓客覺得無噤麻煩。但婚禮前一個月sales說政府有新例不准shuttle從市區入到場 地!!?? 不過會所sales幫我們安排交通,在某個地點轉乘他們另一架車。雖然麻煩了賓客,但起碼有車接送.. 99.5%賓客都準時到達!
 
(3) 一年前老公已邀請一位由細玩到大的朋友當兄弟,他都答應了。但在婚禮前1個月約佢開會,他才暗示其實佢只係想證婚後及開飯前1秒先出 現..........Well.... 。我們兄弟團得4個人。好彩另外有位朋友非常理解又有義氣,唔介意我們臨時請佢做兄弟!!
 
(4) 男家從大陸請了一些親戚朋友,之前經親戚confirm了出席的人。但婚禮前一日有些人突然出現或d朋友帶埋屋企人來.......Well....都來 到香港就一定要俾佢出席o架啦,仲要一齊坐主家席....其實已經max左桌的數目,不過幸好當日會所service in charge幫我們即場加大少少張桌,最後張桌坐了15個大人+3個小朋友! 
 
(5) 婚禮前一日天文台明明說只有驟雨...但當日早上出門入門及lunch都一直落大雨,仲黃雨... 戶外證婚係我夢想,會所最靚係戶外無敵海景... 當日早上我好唔開心,早拍晚播見到自己仲黑曬面,心想原來連個天都唔鍾意我  不過到下午終於停雨,完成戶外證婚,賓客都說估唔到黃雨都停俾我結婚! 
 
(6) 早上化妝已經用多左時間。新郎出發上樓接新娘時,發現有個兄弟突然失蹤!! call這位兄弟問佢點解突然臨陣"甩底",佢話因為太大雨,隻鞋左,真係甩左個底!! 走左去7-11買膠水 過了一會最後終於齊人出發,cut了game地迅速完成玩新郎,真係便宜左佢地
 
(7) 之前話會早上敬茶的親戚,突然唔出現又話晚宴先出現(可能太大雨及有公事) 其實我席前要證婚,要席間敬茶(rundown都趕),有可能敬到15組茶!?  幸好d親戚見到要全部人面前上台敬茶,一半人即時話唔使敬茶
 
(8) 一早已經安排通知證婚公司,說我們會安排司機同車直接接律師到證婚場地。直到大婚個日早上正在出門時,律師先打電話來說他要趕下場,問我們有無安排司機同 車送佢趕下場.... Well.. 一早唔講唔問,當日人家超忙的時候先打電話來問,即日都唔知有無車安排到俾你ga 我們立即打俾會所sales轉location接送律師。幸好會所sales可以即日安排到轉路線,仲幫我們直接同律師交代安排~ 真係好感謝Club Siena sales幫忙!!
 
(9) 星期六間間附近的酒樓都無得book食午飯,行程緊密,唯有先派兄弟拿位。但估唔到當日好好日,有另外2團結婚兄弟團一樣爭緊位!! 幸好最後都俾我們爭到
 
(10) 我們係戶外席前拍照,即晚派相。當大部分賓客到達後,攝影師從室內走到室外準備拍照.. 但全部鏡頭都因為溫差出現霧氣,不能影相 唯有叫賓客用自己相機影住先 不過我估最後都夠即晚派相...
 
(11) 會所有好多草地草叢,雨後蚊患好厲害,蚊咬到不少賓客同姐妹每人10-幾十粒 不過完全唔咬我同老公, 好彩賓客說蚊咬到第2天先發出來,結婚當日唔痕!!
 
(12) 最後的爆係當大家等我去換衫開席時。想不到瘦瘦的我,化妝師幫我拉拉鏈時拉 鏈!! 成條裙長長拉鏈拉唔到!! 點都唔會想到噤爆 !! 化妝師叫我唔好穿個條裙,但我想穿 化妝師兼借裙老闆幫我成條裙拉鏈位用針線縫埋,另一位化妝師同時幫我set頭。取消march in唔好俾人見到背脊,終於都安全著完條裙!!  幸好化妝師都係借呢條裙的老闆,仲有2位化妝師在場先可以即場fix條裙,仲唔洗罰條裙的$$ ~
 
(13) 後補: 仲有證婚時老公隻手指肥左, 用力勁扯1+分鐘先"強行"把介指套住佢...
 
一波N折都終於神奇安全地完成了,感謝一班兄弟姐妹、家人、化妝師及Club Siena的幫忙~ Dream Wedding完成!!

博文地址:http://www.theztyle.com/home.php ... 5&do=blog&id=201138

Rank: 8Rank: 8

帖子
6897
發表於 2013-7-11 15:04:26 |顯示全部樓層
CONG 啊~

Rank: 9Rank: 9Rank: 9

帖子
12213
發表於 2013-7-11 17:01:00 |顯示全部樓層
好勁, 咁多蝦LOOK野

Rank: 6Rank: 6

帖子
1881
發表於 2013-7-11 17:21:35 |顯示全部樓層
多謝呀,好耐冇見,最近好嗎?

Rank: 6Rank: 6

帖子
1881
發表於 2013-7-11 17:22:15 |顯示全部樓層
哈哈,真係難關多多

Rank: 8Rank: 8

帖子
6897
發表於 2013-7-12 21:00:32 |顯示全部樓層
ok ar, haha, 我都結左婚啦^^

Rank: 6Rank: 6

帖子
1881
發表於 2013-7-12 23:18:29 |顯示全部樓層
恭喜恭喜!

Rank: 7Rank: 7Rank: 7

帖子
4727
發表於 2013-7-13 01:52:25 |顯示全部樓層
恭喜哂呀!! ^V^ 結婚有蝦碌野好正常! 最重要最後都解決到! ^V^ 日後諗返懷念回味下都不錯!

Rank: 6Rank: 6

帖子
1881
發表於 2013-7-14 00:09:24 |顯示全部樓層
多謝多謝,都恭喜你。回想返都一額汗,總算完成

Rank: 8Rank: 8

帖子
6897
發表於 2013-7-15 11:55:30 |顯示全部樓層
thank you^^
您需要登錄後才可以回帖 登錄 | 註冊

Archiver|手機版|Privacy Statement|Terms Of Use|Contact Us

GMT+8, 2019-7-23 09:01

Powered by theztyle.com

© 2008-2014 The Ztyle.

TOP