theZtyle.com

查看: 17519|回覆: 0

原來美甲好容易,我識印花甲啦! [複製鏈接]

Rank: 6Rank: 6

帖子
1171
發表於 2013-7-6 16:34:37 |顯示全部樓層

 


平時我係好少整指甲,今次我有得出席【Miruku Nail Party夏日Bling Bling 美甲派對】都好開心,因為…我真係唔多識整Nail Art!


亦因為有得出席今次既活動,我對美甲…有多左好多了解…



其實隻隻指甲油,好多都話自己不含咩咩成份,其實,我覺得都差唔多者…



原來有m & m既水貼,鍾意m & m既朋友,都可以整下呢種nail art~



我最鍾意反而係鬆馳熊呢款水貼,我估鍾意鬆馳熊既朋友,一定會鍾意呢款花甲!



同埋呢款ans金公仔既水貼花甲都好得意~



我地今次有得用最新出既Summer Colour~~~


同埋最主要係~~~今次美甲師Jackie同Tracy教我地用印花整nail art~~


其實我都聽過印花,睇落好簡單,但實際就完全唔識,好難搞~~~


講下steps先~~~


1. 揀好左自己想印既圖案


2. 將印花油塗一撻係印花板上面


3. 想圖案淨色的話,就將刮刀45度向外刮,想有幾隻色既漸變效果,就係圖案既唔同部份水搽上唔同既指甲油色,再用刮刀連續刮兩次


(P.S. 係轉指甲油之後,記得要清潔好刮刀上既指甲油,如果唔係就會mix埋之前既指甲油啦~~)



4. 刮完就快速係指甲油乾之前,將有指甲油色既圖案印上印印上面,其實即係吸印仔!呢個動作一定要快!


5. 將圖案吸左上印仔,就係望下有無印多左多餘既圖案,有的話就用膠紙黏走佢~~




6. 再用碌既方法,幫自己整既秘訣就係…握拳對住自己,印上指甲度就ok架啦!


(P.S. 呢個Step可以慢慢黎,最緊要用少少力,係碌住咁...貼上指甲上面~)


Jackie叫我地試下幫自己一齊印一個蝴蝶結~~~




我都印到下喎!



大圖案既做法都係一樣!




另外仲有一個高難度啲既玩法~~就先係指甲搽左同圖案差唔多大細既指甲油範圍~~



然後再印個框線上去~~~



複雜少少既水果圖案玩法就完成啦~~



Miruku 標榜用有機成份既甲油,不含有害化學物質之類,喎?Really?


而家用發泡膠,做左一個有關指甲油化學濃度既實驗…唔係話指甲油對身體有無害,主要係測驗佢既化學濃度架.....


我地平日用開既指甲油,例如美甲鋪好標榜用既高級high-quality既指甲油…估唔到...一搽係發泡膠上面…佢既化學濃度…係濃到…粒發泡膠即時溶左一大半…


嘩…個啲顏色同牌子我好鍾意架!




橙色個粒就係Miruku而家用緊既Eco-Nail...發泡膠就一直都無反應...証明佢既化學濃度唔高...


其實…搽指甲油…都係Hold得3-4日就應該落左佢…其實3-4日到,就hold唔到,開始甩色係正常既~~


終於開始自己整指甲啦,首先搽返Eco-nail既底油…



美甲師Tracy既指甲,我以為係貼貼既~~佢既黑白格仔,原來都係印花整架!



由於我手腳太慢既關係,所以我搵左Tracy協助快速搽返個底色!


我搽左從未搽過既強勁黃色+藍色!

呢個蘋果,係我用簡單兩隻既方法,印既蘋果,終於成功啦!

大家盡力畫哂花之後,Jackie就幫我地搽Top coat,完成呢次既Nail Art!


我都整好左,經過我多次創新又貪心既設計,將想玩想試既圖案都試哂係十隻手指上面~~結果,就係整左一堆完全唔岩style既大雜燴花甲!


不過既然有得試玩就盡玩啦!屋企真係無咁多色同咁多印花板俾我整呢~~

 

 呢套甲整得咁靚,可惜到左星期日晚都要抹走,返工黎講實在太誇張啦~不過有得俾我試玩我都超開心!今次學到點印花甲,其實都唔係太難!如果有工具的話,除左單搽甲油,又多一種玩法!


尋日我去完呢個美甲party,我淨係覺得應該可以好似個啲art jamming咁~~


可以俾人book 3個鐘,俾一個價錢,包一至兩杯飲品,俾人係度玩3個鐘nail art,因為屋企自己真係無咁多工具咁多甲油,同埋唔識整又可以即場搵美甲師幫手,大家一齊enjoy一個開心weekend afternoon或者weekend night!


尋晚真係辛苦兩位美甲師啦!Thank you!


博文地址:http://www.theztyle.com/home.php ... 6&do=blog&id=200579
您需要登錄後才可以回帖 登錄 | 註冊

Archiver|手機版|Privacy Statement|Terms Of Use|Contact Us

GMT+8, 2020-7-12 23:34

Powered by theztyle.com

© 2008-2014 The Ztyle.

TOP