theZtyle.com

查看: 9957|回覆: 0

打鐵趁熱! 袪斑趁熱! 出文亦要趁熱! 激光初體驗@SKINIC [複製鏈接]

Rank: 4

帖子
41
發表於 2012-8-23 12:42:29 |顯示全部樓層

都隔左段時間冇出文啦,
事關暑期當然要玩盡佢啦,一口氣去一兩個旅行!
享受我最愛既陽光與海灘,實在太爽了~

 

不過爽完一定有手尾跟,黑左就一定嫁啦,
雀斑又多左好多啦!!!
本身已經好困擾的,細細個就曬,而家大個就後悔了TT

 

點知一星期前有人打黎

「你好呀小姐我地係xxxxxxx,你之前上網登記左試做我地個white 去斑療程,想同你約返個時間上黎試做」

唔,善忘的我早就忘記左自己曾經登記,不過廢事人地等,就拿拿聲睇左日程,約好左,收好線先慢慢搵源由……

 

Check email先記得自己填過more 既一個電郵

http://skinic.com.hk/edm/form/MORE0812.php?Campaign=MORE0812


當時見到咁爽免費當然仆到登記,雖然好驚被sell,但都未必有我份啦,

填左先!  點知真係有得試,看來我都要準備下….

立即爬文!

搵到既結果係好壞參半= ……
真係令人好迷惘,望就望自己遇到個好人。

 

昨天就立起心腸,裝好個膽就殺上去!

綿綿細雨,好似真係打杖前夕一樣…….
尖沙咀A2出口轉右過條馬路就到,就係好易搵,
大廈頂樓全層,一入到去係一個全白的設計,

這大U 不禁吸引了我,但好快就比職員叫醒,「你好呀小姐..請問約左幾點?

答過後,例行公事,填資料,飲水,hehe~

冇人吹過我,我仲可以慢慢欣賞呢到既環境,太悠閒了

休息過後,佢地亦準備好啦,就有一位同事帶我入房做個皮膚分析,

U小姐,先好輕手幫我夾好頭髮,然後卸妝,好溫柔啊

然後影相,前左右各影兩張,影完就分析,再而sell下我咁啦,流程大致如此

 

分析得出結果,我好多色斑好多色斑好多色斑同好多色斑,

不論面層同底層都有好多,並且部分位置有D暗啞,鼻頭有菌(粉紅點)

部機都顯示哂出黎,真係有D怕醜,見到情況咁嚴重,確實唔好意思。

 

隨即佢就問我「你用開咩牌子既防曬,你知唔個防曬有分物理同化學防曬?

@@即時打左個特,因為我真係未聽過,佢就拎左張野解釋我聽 

左邊既係就物理,而右邊既就係化學

我簡單說(當然佢比較詳細),物理係阻隔紫外線入皮膚,而化學就係入左枝膚先做分解,邊樣好當然高下立見啦,佢就推介我用物理防曬啦

 

講完呢樣唔少得既當然講下今日既療程,係完全免費試用嫁!

不過…U小姐就同我講個white 冇面膜做返既,

如果做pure會有面膜囉,而家試做就可以有半價$3XX

我又唔想乾住面咁走,所以就好爽快咁話做埋啦,試下姐~

 

既然我咁爽快,佢當然要推介多D啦,

佢就話 其實平時我地係prefer 一次過咁做 三個

 White(laser15XX) + Pure (果酸$7XX) + Fine (laser16XX)


White ->  Fibro FACE White 1.2 納秒定點淨白激光治療

(袪斑美白)

Pure  ->  合成酸更生治療

(換膚再生)

Fine  ->  Fibro FACE FINE 1.5激活再生全效治療

(收毛孔)

佢地係可以一齊做嫁,完全冇問題。

 

Free white 另外個兩個可以半價試做,

不過我邊有咁多$呀,所以都淨係頭兩個算啦,佢都好客氣咁OK冇再sell

全程的都冇感覺被hard sell,佢都好有禮貌,真心推介岩我既療程,

感覺不錯~

 


完成左分析,佢就帶左我去化妝間鎖好D野,再去埋個Toilet(就係隔離)

就入房LU

 

房入面好雪白,而且佢地每做完一個客,就有專人姐姐執房,

雖然呢樣係必須,但出面好多美容院都達唔到基本!

入到去說除鞋訓低等美容師黎,負責我既係A小姐,

佢入黎話睇一睇我塊面,就話,有小小暗WO

跟住就出返去,呢到都等左一段時間(好彩唔係計鐘做),等既期間有音樂播住,我當然就影影影,等住返黎匯報~

終於佢執好野入黎啦,先坐好,幫我洗面先,

再爽膚,每一個流程佢都會同我講左先做

跟住佢就比鏡我拎住,逐樣話比我聽我有咩問題,

同咪講返一陣個white會有咩效果,

佢話我面毛比較多,一陣會好明顯地睇到我D毛會白哂,因為white係吸黑既,除左雀斑,暗瘡印,眼圈同D暗啞都會做到,但斑就唔會即時少左,至少都要三至四日先睇到效果既。

來一個自拍!

準備好佢就貼好我對眼,然後搬機入黎,
比把風線仔我,話一陣會有小小拮,如果痛的話就吹下佢。

 

開始時,有消焦既味道@@,有D驚,始終未做過,不過好快習慣左,

佢好細心咁就我右邊面做起,慢慢做哂全面,一連做左三圈,
我冇計到時,不過呢三圈都幾耐下,事關佢真係好detail

我仲以為佢要收手,點知佢同我講「而家我地重點做呀」

真係有D驚喜,因為我覺得佢個三圈已經係我多斑既位置停留過,

不過冇理由叫佢停嫁~

反而重點打有D快手,唔洗一陣就完,全程的都冇開過風線仔^^

(不過我唔怕痛,不可作準)

 

打完後我多口問佢一句「一般人會打幾耐嫁?」

佢就答我「其實我地係計下數既,一般人會打50007000下,如果面皮薄D會敏感,咁就會打少D,你面皮都唔算薄,可以打多少少。」

哈哈,呢一刻的係咪應該慶幸自己而皮夠厚,可以打多D~

 

 

做完呢個,佢搬返部機出去(機真身在下面)

又再一次比塊鏡我拎住,呢次就睇到我額頭D細毛真係白哂@@

但印同雀斑效果就不太明顯,佢就話一陣個pure就會明顯D見到成臉面,光左白左。

講完佢就出去拎野入黎,同我講會拮拮地,又係可以吹風。

一將果酸上面,佢就好關心咁問我「有冇好拮?」但係我真係未有咩感覺,就老實答,到佢塗好半塊面就開始有D拿拿地,不過還好,我都仲接受到,
塗好全面,佢又問我一次,我都話OK,佢就再補多少少,之後就得3分鐘到,我地全程冇講野,佢亦冇趁機sell我,可能呢個唔係佢責任,所以比我安心做療程。

3分鐘後,佢就話「OK啦,我地而家做中和」佢濕左兩塊棉,放上我塊面,立即就有D炸炸聲,好神奇!我覺得好得意,好想炸多幾次haha~

 

掃好D果酸隨即佢就同我做面膜,呢個係保濕面膜,
因為需時,佢就出左去一陣。

冇幾耐佢就返黎,抹走面膜,又再比多次鏡我,今次好明顯見到塊而光左,
不過斑斑仍在,我始終關心斑斑多,嘻嘻

 

最後佢幫我塗面霜同防曬,就完成了~

去個洗手間,就入U小姐既房,給的杯羅漢果茶,簽返收據,
再一次sell下我,療程同產品,
聽到佢推介我佢個攞獎物理防曬,41度,有色,85g,只係三百幾,
試上手又OK,就忍唔住買左支 (唉,我真係易sell)

繼而講療程,

 

頭先做既white 如果試做後join  10次既就可以有半價優惠,總共$7XXX

佢仲話有D野送,但我已經聽唔到佢講咩,因為我已經係到諗緊個7千幾……

 

我真係好想打走D斑,但係我只係學生,點比呀心諗中

 

我只好同佢講唔join啦,佢問我點解,

我諗左諗,停一停,答佢「  無錢… 

佢笑左,然後都話我係學生,佢明白既,不過佢就話呢斑愈早打愈好,
新陳代謝會快D,同咪打完第一次就叫開始左療程,隔710天就可以打第2次,趁住治療期,搞埋佢會好D

我就話的會認真考慮,佢都話如果之後有興趣,一個月內佢都可以同公司講返,hold 返個優惠比我,跟住比埋卡片我,就比我走,仲送我出門口。

呢兩個鐘都冇感覺比人迫過,係做療程時有DD悶,

比我既整體感覺都唔錯

 

如果咁多位sis 唔想比人 sell 既話只要係見西裝姐姐時企硬D,佢地都唔會迫你嫁,做療程時就可以安心放鬆啦~

專業的感覺!

lift 仲有獎狀睇, 不過我好快走左lu,冇細心睇


 

希望真係有效啦!!!





最後我有D問題想問咁多位,
1
)呢個療程算唔算抵?  Join join 得過呢?  (因為我唔係好知價)

2)平時你地去斑又會係邊到做,有冇平靚正推介?

3)按大家認知有咩牌子既防曬係物理性,可否介紹一下?

 

SKINIC網址

http://skinic.com.hk/



原文地址:http://www.theztyle.com/home.php ... 8&do=blog&id=163331
您需要登錄後才可以回帖 登錄 | 註冊

Archiver|手機版|Privacy Statement|Terms Of Use|Contact Us

GMT+8, 2020-4-6 16:43

Powered by theztyle.com

© 2008-2014 The Ztyle.

TOP