|
早幾日去左美食展覽, 見北海道3.6牛奶平平地就買左4盒1L裝 4盒... 1個月飲晒真係有D難道, 所以就不停咁搵呀搵, 搵牛奶布甸既整法 但係見到好多整法整出黎既布甸都過份硬身, 好似奶粉開既咁, 一D滑既感覺都無-3-
再唔係就過份地甜, 完全唔岩小雲既口味 最後, 終於俾小雲搵到質地又滑, 味道清香, 又不太甜的做法
北海道3.6 牛奶布甸 材料: 北海道3.6牛奶 1L 總統牌淡忌廉 100ml 白砂糖 5 茶匙 (可自行調較, 因為小雲家不太好甜, 所以糖的分量亦相對減少) 魚膠粉 1 1/2 湯匙 熱水 7 湯匙
做法: 1. 將500ml既牛奶和白砂糖放入煲中, 並以小火把糖煮溶 2. 餘下500ml牛奶加入100ml淡忌廉拌勻 3. 把步驟2加入熱奶中拌勻 4. 利用熱水加入魚膠粉開勻 5. 加入奶中, 熄火攪拌 6. 用篩隔去雜質, 分不同小杯中裝好 7. 蓋上杯蓋或以保鮮紙包妥後, 放進雪櫃至固狀
tips: 1. 一定只可以用極小火把糖煮溶, 否則將會有一片薄膜於表面凝固 2. 熱水岩岩放入魚膠粉時一定會好驚, 點解? 因為怕d魚膠粉溶唔晒囉! 但要切記, 熱水既份量一定唔可以再加, 但一定要開勻, 如果唔係加落去就一舊舊架啦! 3. 利用熱水浸住溶杯黎溶魚膠粉會方面d 4. 熜火攪拌後一定要盡快裝杯, 切勿於煲中冷卻 5. 於杯中布甸冷卻後才放進雪櫃 6. 若放進了雪櫃幾小時仍未變成固態, 乃是正常的! 因為這樣才能做出軟滑的布甸喔...! (今次小雲雪了3小時便凝固了)
一開始仲以為成L牛奶黎整, 一定食唔晒啦... 但原來整出黎唔係好多架咋... (加上小雲家人係甜品怪獸...) 雪完出黎真係唔夠分 個個都話好好味要ENCORE 大家快D試下整啦! 易整又有營養既北海道3.6牛奶布甸啦>V+
喜歡的話謫給個"讚"吧, 你的支持對小雲來說是很重要的!!! 
原文地址：http://theztyle.com/home.php?mod ... 1&do=blog&id=162889 | 
發表於 2012-8-20 14:40:30
