全部 個人動態

全部 文章

• [試用活動]theZtyle X AQUA LABEL 全新升級版「赤之保濕」系列

  好開心，又中左theZtyle既試用，今次試既係AQUA LABEL「赤之保濕」系列，原本想試既保濕導入液及乳液，可惜theZtyle通知我果陣果組已經full左，所以我轉左試佢既「膠原保濕御妝乳霜油」及「透明毛孔遮瑕膏」。個毛孔遮瑕膏我想試好耐架啦，但一直都唔捨得買，今次有得俾我試，真係開也死

  
  

  
  

  先黎睇下兩位準備被試用既朋友，左邊係御妝乳霜油，右邊既係毛孔遮瑕膏

  

  
  

  
  

  首先被試既係御妝乳霜油，考驗佢之前，我地睇下佢既外表先～

  呢支乳霜油既包裝非常簡單，只係用熱縮膠紙封面，前面貼左產品中文名既貼紙～

  

  
  

  
  

  後面貼左乳霜油既中文簡介，呢支御妝乳霜油主打保濕同埋滋潤，務求做到御妝同時保養，講到咁勁，且看佢一陣表現如何～

  

  
  

  
  

  使用方法同御妝油一樣，係要手乾面乾時進行，但佢同御妝油唯一唔同係佢無要求用水乳化後先清洗，但我都照樣有做乳化步驟，因為我覺得咁會乾淨D～

  

  
  

  
  

  拆左表面既膠紙後，真身設計都係非常簡潔，唧唧裝開口，我鐘意哦～最討厭擰蓋式既洗面膏，好麻煩

  

  
  

  
  

  乳霜油既質地同洗面膏差不多，不過比洗面膏稀少少，係半透明狀既，上面後會變左好似油咁既質地，感覺好神奇～

  

  
  

  
  

  要試御妝產品，又點少得呢班麻煩友呀，今次我召集左6個被大家喻為難搞既麻煩友黎考驗下呢支御妝乳霜油既功力，請大家慢慢欣賞～

  
  

  
  

  我所講既麻煩友就係下面呢三款睫毛液同埋三款眼線液／眼線膠啦～

  

  
  

  
  

  首先將御妝乳霜油擦上去，然後等幾秒～

  

  
  

  
  

  幾秒後用手打圈捽幾下，maybeline眼線膠最先頂唔順，已經溶得七七八八啦，除左MJ眼線液，其他都開始溶～

  

  
  

  
  

  以下係捽左大概十幾下之後既情況，除左MJ眼線液乃堅守住，其他麻煩友差不多全被打倒，maybeline眼線膠更已經宣佈投降添～

  

  
  

  
  

  跟住落黎就係加水乳化，今次連MJ眼線液都頂唔順，無左七成，其他成員接近完全消失，maybeline上回合宣佈投降後已經完全消失左啦～

  

  
  

  
  

  最後沖水再捽幾下，6個麻煩友同時宣佈投降，落荒而逃，只留下少少曾經出現過既痕跡罷了，如果好似我平時用海棉既御妝方法，呢少少痕跡都唔會留底，所次今次試驗，AQUA LABEL「膠原保濕御妝乳霜油」勝！！！

  （PS.大家睇唔睇到用水沖之後MJ眼線液既表現呀？？佢雖然真係超級防油，但佢有兩個好大既敵人，就係水＋捽，只要用水整濕再捽兩下，佢就會被完全KO架啦，所以用MJ眼線液可以喊，但千奇唔好喊完捽眼呀）

  

  
  

  
  

  

  
  

  
  

  跟住落黎就到毛孔遮瑕膏出場，佢正名叫「透明毛孔遮瑕膏」

  

  
  

  
  

  以下係背面既產品介紹，佢主打係快，10秒就可以KO毛孔粗大問題，以及有滋潤成份～

  

  
  

  
  

  佢係用在所有保養品之後，base同粉底之前，要打圈上～

  

  
  

  
  

  真身～

  

  
  

  
  

  內涵，係白色既膏狀，好似藥膏咁，但就無味既～

  

  
  

  
  

  拎上手既質地都幾硬，真係好似雪凍左既豬油，好在無肥膩既感覺唧～

  

  
  

  
  

  打圈試上面部毛孔最明顯既面頰，左邊無用，右邊有用，用左果邊變霧面，皮膚真係平滑好多，唔單止睇落滑，摸上去一樣係好滑架，感覺好似用左smashbox photo finish primer咁樣，一樣係咁神奇，效果都一樣咁好，上埋粉底之後真係可以做到毛孔隱形感覺，真係要俾個GOOD佢！！

  

  
  

  
  

  總結：

  
  

  「膠原保濕御妝乳霜油」

  真係御得好乾淨，MJ，kiss me，fasio呢班麻煩友都唔係佢對手，用左呢個御妝乳霜油之後好似白左，哈哈，唔知係唔係我心理作用呢，不過佢真係做到御妝同時保濕，用完無‘蹦蹦緊’既感覺，但有無做到保養效果我就未感覺到～(岩岩見有sis話用左佢之後爆瘡，敝啦，我呢兩日都出左幾粒，唔知關唔關事呢，希望唔係啦，我岩岩先有少少鐘意左佢咋）

  
  

  
  

  「透明毛孔遮瑕膏」

  效果好明顯，真係遮到毛孔，用左都唔會令粉底卡粉，但保唔保濕我真係感覺唔到，只係覺得佢唔乾，因為我係乾人，平時都會做好晒保濕先上粉既，不過暫時對呢個毛孔遮瑕膏既表現都好滿意^^

  
  

  
  

  今次就分享到呢度啦，多謝收看！！

  按此評論及推薦|12-13 19:10|沒有評論|389次閱讀|沒有推薦

• [試用活動]theZtyle X 位元堂養陰丸

  (唱)位~元~堂~~養~陰~丸~~好似~太陽~咁溫暖!!!

   

  位元堂呢支歌仔由細聽到大, 雖然聽得多, 但從來唔知咩係養陰丸, 以自己既理解佢應該係好似媽媽以前食既白鳳丸之類專俾女人食既中藥, 直至參加左theZtyle今次既試用活動, 先稍微了解養陰丸原來係調理身體既補品, 唔止女人可以食, 男人都可以食架, 不過一定真正了解自己既體質是否岩食!

   

  因為唔係所有人都岩食養陰丸, 所以今次活動在領取試用品前有一次免費既中醫咨詢, 中醫師話我其實係外寒內熱, 手腳冰冷, 多夢, 訓得唔好, 訓覺時成日覺得口苦口乾, 雖然唔係好岩食養陰丸, 不過都可以試下, 但唔可以日日食, 可以在寒冬天手腳冰冷時食, 每次半粒.

   

  首先我地來睇下養陰丸既真身, 鐵罐裝設計, 開口處係易拉罐式的, 一拉就開到, 非常方便!

  

   

  鐵罐入面裝左24粒包到好似糖咁既養陰丸, 粒粒肥嘟嘟, 好得意 

   

  其實粒丸比我想像中大, 足足成粒珍寶珠咁大, 如果按醫師指示含服, 一粒真係食到天荒地老都未食完. 聽講佢有細粒裝, 如果真係岩食, 買細粒裝應該會方便好多!

   

  打開銀色包裝紙, 入面有粒黑色既珍寶珠, 有一陣八仙果咁既味, 哈哈, 佢既樣令我諗起傳說中既老泥丸

   

  粒丸外面係黑色, 但切開入面係啡色, 好似朱古力, 不過係八仙果味既朱古力

   

  再來睇下佢既成份, 全部都係我地比較熟悉, 常見既藥材, 有d我地平時煲湯都會用到既, 可以放心食用!

  最後就係注意事項, 感冒, 發燒, 孕婦唔可以食, 仲有m到, 熱氣都唔好食呀, 因為呢個藥係比較燥熱架!

  

  總結:

  由於我領取左試用品果一排天氣都比較暖, 所以我唔敢食, 直至最近天氣涼返d我先開始食, d人話佢係八仙果味, 聞起黎的確係八仙果味, 但食落口係好重既中藥味, 我覺得好苦, 所以含左一陣就頂唔順, 用熱水沖黎飲, 直至今日食左4次, 明顯效果好似無乜, 但係好似少左發夢, 訓得好左, 仲有就係個人精神左, 無咁容易累, 但凍既時候依照係會手腳冰冷, 可能因為我只係食左4次咁少, 所以未見到效果啦! 有d 網友話食左m到既時候會無咁痛, 但我岩岩m過左, 所以暫時未見證到呢一點!

   

  雖然未有明顯效果, 不過天氣凍既時候我會keep住食, 希望可以調理身體, 改善到手腳冰冷既問題啦

   

  完!多謝收看!

  按此評論及推薦|12-08 15:40|沒有評論|499次閱讀|沒有推薦

• 超趕急!!主人病重,6貓被迫重新尋家或暫托!!懇請各位幫幫這位不幸朋友!

  朋友~你辛苦了!!!
  
  貓友阿儀患有遺傳性紅斑狼瘡及哮喘, 雖然身患頑疾, 但獨居的她多年來隻身照顧家中七隻貓貓, 每晚還會餵住所附近的流浪貓, 全心全意, 風雨不改~
  
  她自知自己的病情嚴重, 要求不多, 最大的心願就是可以照顧家中七貓終老…….可惜, 事與願違, 最近她的身體開始變差, 病情惡化, 醫生說她的病情已不受控制, 開始出現腎衰竭現象, 必須盡快入院治療, 否則病情會一直變差………
  
  但她多翻拖延入院時間, 她知道再不入院的後果會如何, 但她時刻惦掛的是家中還有七隻貓貓要等她照顧, 其中一隻還有患有口腔潰瘍問題, 需要她每日早晚一小口一小口地餵糧, 用針筒一滴一滴地餵水, 她放不下…….
  
  她一直撐一直撐, 因為貓貓是她的家人, 她的兒女, 她的心肝寶貝, 不到最後一刻她也不想放棄牠們, 她想陪伴牠們終老, 可惜身體不聽話, 醫生建議她洗腎, 她知道很快, 她也需要人來照顧, 又怎能再照顧七貓呢?? 她不想七貓跟著她一起等死, 唯有作出這個最痛苦的決定……...
  
  病魔已經把她折磨得很累很累了!!!!!懇請各位幫幫這位不幸的朋友吧!!!!!!!!!!!!!!!!
  
  如有意領養, 請電郵至: linachan727@yahoo.com.hk或至電6050 7271(陳小姐)
  
  
  姓名: 吉仔,(黑貓)
  年齡: 三歲 (06年8月15日),
  性別: 男,
  已絕育, 健康良好
  性格: 活潑好動, 有少許膽小和怕羞,但熟了就不怕人, 鐘意刷牙
  想睇更多吉仔既相, 請移玉步至:http://picasaweb.google.com/sillyaryu/mqFygF#5403222582662853794
  
  
  
  姓名: 豬仔(黃虎紋)
  年齡: 五歲, (04年7月)
  性別: 男,
  已絕育, 健康良好
  性格: 不怕人, 愛靜, 愛痴人, 愛讓人替牠清潔身體, 牠很怕凍的
  想睇更多豬仔既相, 請移玉步至:http://picasaweb.google.com/sillyaryu/ILyTsE#5403223698238186434
  
  
  姓名: 肥寶(虎紋)
  年齡: 十歲, (99年11月7日)
  性別: 男,
  已絕育,健康良好
  性格: 不怕人, 比較靜, 但也愛追逐其他貓貓玩耍
  想睇更多肥寶既相, 請移玉步至:http://picasaweb.google.com/sillyaryu/WbhKNH#5403223467468672754
  
  
  
  姓名: 怪獸仔(黑白貓)
  年齡: 十一歲, (98年10月5日)
  性別: 男,
  已絕育,健康良好
  性格: 不怕人,熟了後愛嗲人, 愛抱, 愛玩
  想睇更多怪獸仔既相, 請移玉步至:http://picasaweb.google.com/sillyaryu/lztAnF#5403223276296024850
  
  
  
  姓名: 八婆仔(白色長毛貓)
  年齡: 十一歲, (98年12月2日)
  性別: 女
  已絕育, 健康良好
  性格: 比較獨立, 文靜, 但也愛跳高玩耍
  想睇更多八婆仔既相, 請移玉步至:http://picasaweb.google.com/sillyaryu/kYRouB#5403222313771169746
  
  
  
  姓名: 百厭妹(黃白貓)
  年齡: 十一歲, (98年7月16日)
  性別: 男
  已絕育,健康良好
  性格: 比較獨立, 文靜, 但愛讓人替牠清潔身體, 勁愛食貓草
  想睇更多百厭妹既相, 請移玉步至:http://picasaweb.google.com/sillyaryu/HRnGTK#5403223088317740050

  按此評論及推薦|12-04 17:01|6人評論|711次閱讀|8個推薦

>>更多文章